Шеърҳо
Пурхонандатарин шоирони муосир
Пурхонандатарин шеърҳо
Дониш андар дил чароғи равшан аст
То ҷаҳон буд аз сари одам фароз, Кас набуд аз роҳи дониш бениёз. Мардумони бихрад андар ҳар замон, Роҳи донишро ба ҳар гуна забон.
Забони модарӣ
Ҳарчи ӯ аз моли дунё дошт, дод, Хиттаи Балху Бухоро дошт, дод, Суннати волою девон дошт, дод, Тахти Сомон дошт, дод.
Таджикистан — мой родной край
Таджикистан — мой родной край, Цветёшь ты, словно дивный рай. Живётся вольно, преград нет, В сердцах свобода, как рассвет.
Зан агар оташ намешуд, хом мемондем мо
Зан агар оташ намешуд, хом мемондем мо, Норасида бодаи дар ҷом мемондем мо. Зан агар моро намебахшид умри ҷовидон, Бетахаллус, бенасаб, беном мемондем мо.
Шикоят аз пирӣ
Маро бисуду фурӯ рехт ҳарчи дандон буд, Набуд дандон, ло, бал чароғи тобон буд. Сапеди симрада буду дурру марҷон буд, Ситораи саҳарӣ буду қатраи борон буд!
Ҳар касеро баҳри коре сохтанд
Ҳар касеро баҳри коре сохтанд, Майли онро дар дилаш андохтанд. Пайи илм ҳамчу шамь бояд гудохт, Ки бе илм Худо натавон шинохт.
Ҳар бод, ки аз суйи Бухоро ба ман ояд
Ҳар бод, ки аз суйи Бухоро ба ман ояд, Бо буйи гулу мушку насими суман ояд. Бар ҳар зану ҳар мард куҷо барвазад он бод?! Гӯйӣ, магар он бод ҳаме аз Хутан ояд.
Муаллим
Шеъре ба номи некат, омӯзгор, дорам, Дар анҷуман ба дастат чун туҳфае супорам, Баҳри сипоси хотир дастат ҳамефишорам, Миннатпазирам аз ту доим ба рӯзгорам.
Тифл мондам аз ту модар, рӯйи ту дар ёд нест
Тифл мондам аз ту модар, рӯйи ту дар ёд нест, Қомати ту чашми ту абрӯйи ту дар ёд нест. Дар суроғат мезанам худро ба ҳар як кӯю дар, Чун, ки то имрӯз модар кӯйи
Офтобо, бори дигар хонаро пурнур кун
Офтобо, бори дигар хонаро пурнур кун, Дӯстонро шод гардон, душманонро кӯр кун! Аз паси кӯҳе барову сангҳоро лаъл соз, Бори дигар ғӯраҳоро пухтаву ангур кун!
Одамият
Тани одамӣ шариф аст ба ҷони одамият, На ҳамин либоси зебост нишони одамият! Агар одамӣ ба чашм асту даҳону гӯшу бинӣ, Чӣ миёни нақши девору миёни одамият!
Ватан сар мешавад аз гоҳвора
Ватан сар мешавад аз гоҳвора, Зи шири поку аз пистони модар. Ватан сар мешавад аз он тавора, Ки онро сохта дастони модар.
Забон гумкарда
Ҳар ки дорад дар ҷаҳон гумкардае, Дар замину дар замон гумкардае. Ин нишон гумкардаеву дигаре, Хештанро бенишон гумкардае.
Биёед эй рафиқон дарс хонем
Биёед эй рафиқон дарс хонем, Ба бекорию нодони намонем. Ба олам ҳар касе бекор гардад, Ба чашми аҳли олам хор гардад.
Мо ҳеҷ, замона хеҷ, дунё ҳама ҳеҷ
Мо ҳеҷ, замона хеҷ, дунё ҳама ҳеҷ. Эй ҳеҷ, зи баҳри хеҷ бар ҳеҷ мапеч. Донӣ, ки зи одамӣ чӣ мемонаду бас? Меҳр асту муҳаббат асту боқӣ ҳама ҳеҷ!
Ҷони ширин (қисми 1)
Ҷони ширин, ин қадар ҷангам макун, Ин қадар беҳуда дилтангам макун. Гашта-гашта дар сафар боз омадам,
Эй ашк оҳиста бирез, ки ғам зиёд аст
Эй ашк оҳиста бирез, ки ғам зиёд аст, Эй шамъ оҳиста бисӯз, ки шаб дароз аст. Имрӯз касе маҳрами асрори касе нест, Мо таҷриба кардем касе ёри касе нест.
Бӯи ҷӯи Мӯлиён
Бӯи Ҷӯи Мӯлиён ояд ҳаме, Ёди ёри меҳрубон ояд ҳаме. Реги Омуву дурушти роҳи ӯ, Зери поям парниён ояд ҳаме.
Эй қавми ба Ҳаҷ рафта, куҷоед, куҷоед
Эй қавми ба Ҳаҷ рафта, куҷоед, куҷоед? Маъшуқ ҳамин ҷост, биёед, биёед. Маъшуқи ту ҳамсояву девор ба девор, Дар бодия саргашта шумо дар чӣ ҳавоед.
Ҳаққи устод аз падар беш аст
Ҳаққи устод аз падар беш аст В-аз падар устод дар пеш аст. Гар падар аз ҳаёт баҳра диҳад, Устод аз наҷот баҳра диҳад.
Хандаи лола
Бихандад лола бар саҳро, Ба сони чеҳраи Лайло. Бигиряд абр бар гардун, Ба сони дидаи Маҷнун.
Хоҳӣ, ки ҳамеша шоду хуррам бошӣ
Хоҳӣ, ки ҳамеша шоду хуррам бошӣ, Ҳар ҷо ки равӣ, азизу маҳрам бошӣ, Покиза шаву рост бизӣ, илм омӯз, То тоҷи сари наберагони Одам бошӣ.
Шони муаллим
Баланд аст аз фалак шони муаллим, Бувад ҷонбахши мо ҷони муаллим. Набошад неъмате дар ҳар ду олам Ҳалол аз пораи нони муаллим.
Худо гар парда бардорад
Худо гар парда бардорад зи рӯи кори одамҳо, Чӣ шодиҳо хӯрад барҳам, чӣ бозиҳо шавад расво. Яке хандад зи ободӣ, яке гиряд зи барбодӣ, Яке аз ҷон кунад шодӣ, яке
Найнома
Бишнав аз най чун ҳикоят мекунад, Аз ҷудойиҳо шикоят мекунад, К-аз найистон то маро бубридаанд, Дар нафирам марду зан нолидаанд.
Ҳамаи шеърҳо
Мураттабкунӣ: навтарин аввал
Дур бош, эй хоҷа, з-ин бемар гала,
Дур бош, эй хоҷа, з-ин бемар гала, К-ат наёяд чиз ҳосил ҷуз гила. Ҳар кӣ дар раҳ бо галай хугон равад, Гарду дарду ранҷ ёбад з-он гала.
Гург омадаст гурсунаву дашт пурбара,
Гург омадаст гурсунаву дашт пурбара, Афтода дар рама, рама рафта ба шабчара. Гург аз рама хурону рама дар гиё чарон, Ҳар як ба ҳирси хеш ҳаме пур кунад дара.
Аё гашта ғарра ба макри замона,
Аё гашта ғарра ба макри замона, Зи макраш ба дил гаштӣ огоҳ ё на? Ягонай замона шудӣ ту, валекин Нашуд ҳеч касро замона ягона.
Макру ҳасадро зи дил овор кун
Макру ҳасадро зи дил овор кун В-ин тани хуфта-тро бедор кун. Нафси ҷафопеша-т море бад аст, Қасд суи куштани ин мор кун.
Худоё, арзу тӯли оламатро
Худоё, арзу тӯли оламатро Тавонӣ дар дили мӯре кашидан. На вусъат дар даруни мӯр орӣ, На аз олам сари мӯе буридан.
Бингар бад-ин работу бад-ин саъб корвон,
Бингар бад-ин работу бад-ин саъб корвон, То чунки солу моҳ давонанд ҳардувон. Ман мар-туро намудам, агарчи надида буд Бо корвон работ касе ҳардувон давон.
Дарди гунаҳро наёфтанд ҳакимон,
Дарди гунаҳро наёфтанд ҳакимон, Ҷуз ки пушаймонӣ, эй бародар, дармон. Чист пушаймонӣ? Он ки бознагардад Мард ба коре, к-аз он шудаст пушаймон.
То кай кунӣ гила, ки на хуб аст кори ман
То кай кунӣ гила, ки на хуб аст кори ман В-аз тирамоҳ тиратар омад баҳори ман? Чун бингарӣ, ки шаст бидодӣ ба тамъи шаш, Навҳа кунӣ, ки вои гули ман зи хори ман
Дер бимондам дар ин сарои куҳан ман,
Дер бимондам дар ин сарои куҳан ман, То куҳанам кард сӯҳбати даю баҳман. Хаста аз онам, ки шаст сол фузун аст, То ба шабонрӯзҳо ҳаме биравам ман.
Кӣ пурсад з-ин ғариби хори маҳзун,
Кӣ пурсад з-ин ғариби хори маҳзун, Хуросонро, ки бе ман ҳоли ту чун? Ҳам эдунӣ, чу ман дидам ба Наврӯз, Хабар бифрист, агар ҳастӣ ҳам эдун?
Савори суханро замир аст майдон,
Савори суханро замир аст майдон, Савораш чӣ чиз аст? – Ҷони сухандон. Хирадро инон созу андешаро зин, Бар аспи забон андар ин паҳнмайдон.
Эй шуда машғул ба кори ҷаҳон,
Эй шуда машғул ба кори ҷаҳон, Ғарра чароӣ ба ҷаҳони ҷаҳон? Пайки ҷаҳонӣ ту, бияндеш нек, Сухра гирифтаст туро ин ҷаҳон.
Чаро хомӯш бошӣ, эй сухандон?
Чаро хомӯш бошӣ, эй сухандон? Чаро дар назм н-орӣ дурру марҷон? Агар бар маркаби ҳикмат саворӣ, Чаро н-ойӣ суи майдони мардон?
Эй ситамгар фалак, эй хоҳари Оҳирман,
Эй ситамгар фалак, эй хоҳари Оҳирман, Чун нагӯӣ, ки чӣ афтода туро бо ман? Нарм кардастияму зард чу зардолу, Қасд кардӣ, ки бихоҳим ҳаме хӯрдан.
Шояд, ки ҳолу кор дигарсон кунам,
Шояд, ки ҳолу кор дигарсон кунам, Ҳар-ч он беҳ аст, қасд суи он кунам. Олам ба моҳи найсон хуррам шудаст, Ман хотир аз тафаккур найсон кунам.
Аз сӯҳбати халқ дил гусастам,
Аз сӯҳбати халқ дил гусастам, Андеша надими дил бас астам. Дар оби нумедӣ он ридоро, К-аш тамъ тироз буд, шустам.
Ман дигарам ё дигар шудаст ҷаҳонам,
Ман дигарам ё дигар шудаст ҷаҳонам, Ҳаст ҷаҳонам ҳамону ман на ҳамонам. То-ш ҳамеҷустам, ӯ ба табъ ҳамеҷаст Аз ману ман з-ӯ кунун ба табъ ҷаҳонам.
Агар бо хирад ҷуфту андарх(в)арем,
Агар бо хирад ҷуфту андарх(в)арем, Ғами хӯр чу хар чанду то кай х(в)арем? Сазад, к-аз харӣ дур бошем, аз он-к Худованду солори гову харем.
Аз ман бирамид ғамгусорам,
Аз ман бирамид ғамгусорам, Чун дид заифу хингсорам. Гирди дари ман ҳаме наёрад, Гаштан на рафиқаму на ёрам.
Понздаҳ сол баромад, ки ба Юмгонам,
Понздаҳ сол баромад, ки ба Юмгонам, Чуну аз баҳри чӣ? Зеро ки ба зиндонам. Ба ду бандам ман, азеро ки мар-ин ҷонро Ақл бастасту ба тан бастаи девонам.
Эй аҷаб, ар душмани ман худ манам,
Эй аҷаб, ар душмани ман худ манам, Хира гила чун кунам аз душманам? Душмани ман ин тани бадмеҳри маст Карда гиреҳ доман бар доманам.
Эй бор Худои кирдгорам,
Эй бор Худои кирдгорам, Ман фазли туро сипос дорам, Зеро ки ба рӯзгори пирӣ Ҷуз шукри ту нест ғамгусорам.
Дил з-ифтиоли аҳли замона мало шудам.
Дил з-ифтиоли аҳли замона мало шудам. З-эшон ба қавлу феъл азеро ҷудо шудам. То ҳамчу Амру Зайд маро кӯр буд дил, Айбам накард ҳеч касе, ҳар куҷо шудам.
Ин рӯзгори бехатару кори бенизом
Ин рӯзгори бехатару кори бенизом Вом аст бар ту, гар хабарат ҳаст, вом, вом. Бар ту муваккаланд бад-ин вом рӯзу шаб, Бояд-т боздод ба ноком ё ба ком.
Лашкари пирӣ фиканду қофилаи зул
Лашкари пирӣ фиканду қофилаи зул Ногаҳ бар соъидайну гардани ман ғул. Ғулғул бошад ба ҳар куҷо, сипаҳ ояд В-ин сипаҳ аз ман бибурд яксар ғулғул.