Шеърҳо
Пурхонандатарин шоирони муосир
Пурхонандатарин шеърҳо
Дониш андар дил чароғи равшан аст
То ҷаҳон буд аз сари одам фароз, Кас набуд аз роҳи дониш бениёз. Мардумони бихрад андар ҳар замон, Роҳи донишро ба ҳар гуна забон.
Забони модарӣ
Ҳарчи ӯ аз моли дунё дошт, дод, Хиттаи Балху Бухоро дошт, дод, Суннати волою девон дошт, дод, Тахти Сомон дошт, дод.
Таджикистан — мой родной край
Таджикистан — мой родной край, Цветёшь ты, словно дивный рай. Живётся вольно, преград нет, В сердцах свобода, как рассвет.
Зан агар оташ намешуд, хом мемондем мо
Зан агар оташ намешуд, хом мемондем мо, Норасида бодаи дар ҷом мемондем мо. Зан агар моро намебахшид умри ҷовидон, Бетахаллус, бенасаб, беном мемондем мо.
Ҳар касеро баҳри коре сохтанд
Ҳар касеро баҳри коре сохтанд, Майли онро дар дилаш андохтанд. Пайи илм ҳамчу шамь бояд гудохт, Ки бе илм Худо натавон шинохт.
Шикоят аз пирӣ
Маро бисуду фурӯ рехт ҳарчи дандон буд, Набуд дандон, ло, бал чароғи тобон буд. Сапеди симрада буду дурру марҷон буд, Ситораи саҳарӣ буду қатраи борон буд!
Ҳар бод, ки аз суйи Бухоро ба ман ояд
Ҳар бод, ки аз суйи Бухоро ба ман ояд, Бо буйи гулу мушку насими суман ояд. Бар ҳар зану ҳар мард куҷо барвазад он бод?! Гӯйӣ, магар он бод ҳаме аз Хутан ояд.
Муаллим
Шеъре ба номи некат, омӯзгор, дорам, Дар анҷуман ба дастат чун туҳфае супорам, Баҳри сипоси хотир дастат ҳамефишорам, Миннатпазирам аз ту доим ба рӯзгорам.
Тифл мондам аз ту модар, рӯйи ту дар ёд нест
Тифл мондам аз ту модар, рӯйи ту дар ёд нест, Қомати ту чашми ту абрӯйи ту дар ёд нест. Дар суроғат мезанам худро ба ҳар як кӯю дар, Чун, ки то имрӯз модар кӯйи
Офтобо, бори дигар хонаро пурнур кун
Офтобо, бори дигар хонаро пурнур кун, Дӯстонро шод гардон, душманонро кӯр кун! Аз паси кӯҳе барову сангҳоро лаъл соз, Бори дигар ғӯраҳоро пухтаву ангур кун!
Одамият
Тани одамӣ шариф аст ба ҷони одамият, На ҳамин либоси зебост нишони одамият! Агар одамӣ ба чашм асту даҳону гӯшу бинӣ, Чӣ миёни нақши девору миёни одамият!
Ватан сар мешавад аз гоҳвора
Ватан сар мешавад аз гоҳвора, Зи шири поку аз пистони модар. Ватан сар мешавад аз он тавора, Ки онро сохта дастони модар.
Забон гумкарда
Ҳар ки дорад дар ҷаҳон гумкардае, Дар замину дар замон гумкардае. Ин нишон гумкардаеву дигаре, Хештанро бенишон гумкардае.
Биёед эй рафиқон дарс хонем
Биёед эй рафиқон дарс хонем, Ба бекорию нодони намонем. Ба олам ҳар касе бекор гардад, Ба чашми аҳли олам хор гардад.
Мо ҳеҷ, замона хеҷ, дунё ҳама ҳеҷ
Мо ҳеҷ, замона хеҷ, дунё ҳама ҳеҷ. Эй ҳеҷ, зи баҳри хеҷ бар ҳеҷ мапеч. Донӣ, ки зи одамӣ чӣ мемонаду бас? Меҳр асту муҳаббат асту боқӣ ҳама ҳеҷ!
Ҷони ширин (қисми 1)
Ҷони ширин, ин қадар ҷангам макун, Ин қадар беҳуда дилтангам макун. Гашта-гашта дар сафар боз омадам,
Эй ашк оҳиста бирез, ки ғам зиёд аст
Эй ашк оҳиста бирез, ки ғам зиёд аст, Эй шамъ оҳиста бисӯз, ки шаб дароз аст. Имрӯз касе маҳрами асрори касе нест, Мо таҷриба кардем касе ёри касе нест.
Бӯи ҷӯи Мӯлиён
Бӯи Ҷӯи Мӯлиён ояд ҳаме, Ёди ёри меҳрубон ояд ҳаме. Реги Омуву дурушти роҳи ӯ, Зери поям парниён ояд ҳаме.
Эй қавми ба Ҳаҷ рафта, куҷоед, куҷоед
Эй қавми ба Ҳаҷ рафта, куҷоед, куҷоед? Маъшуқ ҳамин ҷост, биёед, биёед. Маъшуқи ту ҳамсояву девор ба девор, Дар бодия саргашта шумо дар чӣ ҳавоед.
Ҳаққи устод аз падар беш аст
Ҳаққи устод аз падар беш аст В-аз падар устод дар пеш аст. Гар падар аз ҳаёт баҳра диҳад, Устод аз наҷот баҳра диҳад.
Хандаи лола
Бихандад лола бар саҳро, Ба сони чеҳраи Лайло. Бигиряд абр бар гардун, Ба сони дидаи Маҷнун.
Хоҳӣ, ки ҳамеша шоду хуррам бошӣ
Хоҳӣ, ки ҳамеша шоду хуррам бошӣ, Ҳар ҷо ки равӣ, азизу маҳрам бошӣ, Покиза шаву рост бизӣ, илм омӯз, То тоҷи сари наберагони Одам бошӣ.
Худо гар парда бардорад
Худо гар парда бардорад зи рӯи кори одамҳо, Чӣ шодиҳо хӯрад барҳам, чӣ бозиҳо шавад расво. Яке хандад зи ободӣ, яке гиряд зи барбодӣ, Яке аз ҷон кунад шодӣ, яке
Шони муаллим
Баланд аст аз фалак шони муаллим, Бувад ҷонбахши мо ҷони муаллим. Набошад неъмате дар ҳар ду олам Ҳалол аз пораи нони муаллим.
Тоҷикистон
Тоҷикистон, Тоҷикистон, Ҳар куҷое рафтам аз оғӯши ту, Доманамро ман такидам раҳ ба раҳ дар ҳар қадам, Пойи худро раҳ ба раҳ то сарҳадат
Ҳамаи шеърҳо
Мураттабкунӣ: навтарин аввал
Нашавад дил зи ту баргираму озод кунам,
Нашавад дил зи ту баргираму озод кунам, Ба гули себ қасам, боз туро ёд кунам. Лампаҳо сӯхтаву кӯча ба шаб таслим аст, Рӯшанӣ деҳ, ки туро раҳбари иршод кунам.
Тоқатам рафту раҳо гашт инони ашкам,
Тоқатам рафту раҳо гашт инони ашкам, Соф шуд чашми ман аз бори гарони ашкам. Дарди ногуфтаниям буду варо мӯи ба мӯ Пеши бегона баён кард забони ашкам.
Бишунав, ай осмонӣ, салавоти ҳар нигоҳам,
Бишунав, ай осмонӣ, салавоти ҳар нигоҳам, Бифирист раҳмататро ба сукути узрхоҳам. Ба сипоси он ғуруре, ки зи ту гирифтам инъом, Зи паси касе ба зиллат надавад ғ
Хуш меравам, хаёли нишеман намекунам,
Хуш меравам, хаёли нишеман намекунам, Дар мадду ҷазри ҳодиса маъман намекунам. То истгоҳи охири ман чанд фарсахест, Рафтан хуш аст, фикри расидан намекунам.
Агар дубора баҳор ояд, умеди сабз шудан дорам,
Агар дубора баҳор ояд, умеди сабз шудан дорам, Биё ба дидани ман, эй ёр, биё, ки бо ту сухан дорам. Бидуни ҳарф садоям кун, магар ки бо хати райҳонат Нагуфт чаш
Қадаме неҳ ба юсуфистонам,
Қадаме неҳ ба юсуфистонам, Ҷӯши гул мекунад зимистонам. Сад ҳазор обшори маҷнунӣ Мезанад атса дар биёбонам.
Ман нотаи офтобро медонам,
Ман нотаи офтобро медонам, Шабзамзами моҳтобро медонам. Дар фасли баҳорхезии ҷӯшишҳо Пар-пар задани ҳубобро медонам.
Тариқи зистани бехато намедонам,
Тариқи зистани бехато намедонам, Чунин тариқати зебо чаро намедонам? Барои тозагии худ далел меҷӯям, Куҷост он санади бебаҳо, намедонам.
Ҳамшеваи баҳорам, ҳамшираи шакарнам,
Ҳамшеваи баҳорам, ҳамшираи шакарнам, Ҳамвусъати дили мӯр, ҳамҳаҷми кулли олам. Зеботарӣ зи Юсуф, ошиқтарӣ зи Маҷнун, Эй ҷони номусаххар в-эй қалби номусаллам.
Чанд уммеди саодатмандӣ аз фардо кунам,
Чанд уммеди саодатмандӣ аз фардо кунам, Бояд ин дам гӯш бар набзи дили ҳоло кунам. Мебарандам сӯи маҷнунхона, гар орому дам Қолабӣ гардам чу ома, беҷунуниҳо кун
Сим мазан, сим мазан, сим, сим,
Сим мазан, сим мазан, сим, сим, Қатъ кунам бо ҳама кас лому мим. Эй дили сад қибла бияндохта Ним ба он, ним ба ин, ним, ним.
Наврӯз шуду панҷараро боз намудем,
Наврӯз шуду панҷараро боз намудем, Сад шукри ту, эй Ҷони Ҷаҳонсоз, намудем. Табрики ҳама майнаву гунҷишку парасту Бо марҳалаи тозаи парвоз намудем.
Масти чаҳ-чаҳхонии худ меравем,
Масти чаҳ-чаҳхонии худ меравем, Бо шакарафшонии худ меравем. Бо фари инсонии худ омадем, Бо пари кайҳонии худ меравем.
Рӯзи ғуруби ҳавсалаҳо пир мешавем,
Рӯзи ғуруби ҳавсалаҳо пир мешавем, Дар қайду банди мушкилаҳо пир мешавем. Бар мадду ҷазри мост фалак остинфишон, Бо ҳоюҳую валвалаҳо пир мешавем.
То ба кай хокистаролудӣ, биё, озар шавем,
То ба кай хокистаролудӣ, биё, озар шавем, Бар шавем аз хирагии худ, фурӯзонфар шавем. Душманӣ варзиданат бо ҷадвали тақвим чист, Борҳо поён шудем, эй дӯст, инак
Кош, чун оби дусадпора ба ҳам боз оем,
Кош, чун оби дусадпора ба ҳам боз оем, Аз ҳама гӯшаи офоқ ҳамовоз оем. Бо раҳи фасл бирафтему ватансӯз шудем, Сураи васл бихонему ватансоз оем.
Шохи Наботам, самар овардаам,
Шохи Наботам, самар овардаам, Аз шакаристон шакар овардаам. Боз шудам, боз шудам чун фазо, Панҷара бикшо, саҳар овардаам.
Дер зӣ, эй модари фархундаам,
Дер зӣ, эй модари фархундаам, Васл кун бо ишқ тори кандаам. Ман, чӣ ҷои ман, ки ҳатто обу гул Гӯядат: бар ҳурмати ту зиндаам.
Аз оинаи бефусунам гурезам,
Аз оинаи бефусунам гурезам, Зи таъқиби ҷурми фузунам гурезам. Ба фардо намехоҳам, эй нозири роҳ, Ба бигзаштаҳо аз кунунам гурезам.
Завлона ба по пар-пар бизанам,
Завлона ба по пар-пар бизанам, Шаш сӯ бишавам, шаш дар бизанам. Ман жанда дарам дар пайкари шаб, Дар ҷомаи субҳ оҳар бизанам.
Тақвими ман сар омад, падруд, фарвадинам,
Тақвими ман сар омад, падруд, фарвадинам, Шабҳои шамъдонӣ, рӯзони ёсаминам. Баъди ҷанозаи ишқ, баъди ғуруби гулҳо Ман боз ҳам намурдам, баргӯй офаринам.
ДАР СӯГИ УСТОД ЛОИҚ
ДАР СӯГИ УСТОД ЛОИҚ Дар ҳақиқат сад ҷаҳон будӣ, набудӣ як касе, Дӯш дидам он ҷаҳон бо ин ҷаҳон бигриста. Мавлавӣ
Аз қолабам барояму хоҳам, ки ҷон шавам,
Аз қолабам барояму хоҳам, ки ҷон шавам, Ворастатар зи қофилаи лӯлиён шавам. Хуршед хомуш аст бад-он сурхии забон, Ман ҳарфи ӯ бигӯяму ӯро забон шавам.
Ман дари сад муъҷизаам, ёр, биё, ки во шавам,
Ман дари сад муъҷизаам, ёр, биё, ки во шавам, Тор шавам, ҷӯр шавам, захма шавам, наво шавам. Бӯса ба бодҳо диҳам, хонаи дил ҳаво диҳам, Ғунчаи подарахтиям, ҳамс
Ҳама рафтанд, ман чаро наравам,
Ҳама рафтанд, ман чаро наравам, Сӯи он ёри ошно наравам? Гарчи аз хок хоксортарам, Ҷониби арши кибриё наравам.