Шеърҳо бо теги: ошиқӣ
Шеърҳои марбут ба теги «ошиқӣ» дар сомонаи «Шоирон».
Мураттабкунӣ: навтарин аввал
Алолай кӯҳсоронам таӣ, ёр,
Алолай кӯҳсоронам таӣ, ёр, Бунафшай ҷӯканоронам таӣ, ёр. Алолай кӯҳсорон ҳафтае бӣ, Умеди рӯзгоронам таӣ, ёр.
Ду чашмам дарди чашмуни ту чинод,
Ду чашмам дарди чашмуни ту чинод, Наво дарде ба чашмунат нишинод. Шунидам, рафтию ёре гирифтӣ, Агар гӯшам шуну, чашмам навинод.
Яке дарду яке дармун писандад,
Яке дарду яке дармун писандад, Яке васлу яке ҳиҷрун писандад. Му аз дармуну дарду васлу ҳиҷрун, Писандам, он чиро ҷонун писандад.
Амон аз ахтари шӯридаи му,
Амон аз ахтари шӯридаи му, Фиғон аз бахти баргардидаи му. Зи ҳиҷронат ба ҷои ашкам аз чашм Зи мижгун шӯълаҳои оташ ояд.
Хуш он соат, ки ёр аз дар дарояд,
Хуш он соат, ки ёр аз дар дарояд, Шави ҳиҷрону рӯзи ғам сарояд. Зи дил берун кунам ҷонро ба сад шавқ, Ҳамин воҷам, ки ҷояш дилбар ояд.
Ба дил ёдам чу аз буму бар ояд,
Ба дил ёдам чу аз буму бар ояд, Сиришкам бехуд аз чашми тар ояд. Аз он тарсам мани баргаштадаврон, Ки умрам дар ғарибӣ бар сар ояд.
Дилам бе васли та шодӣ мебинад,
Дилам бе васли та шодӣ мебинад, Ба ғайр аз меҳнат озодӣ мабинад. Харобободи дил бе мақдами та, Илоҳӣ, ҳаргиз ободӣ мабинад.
Хушо онун, ки аз по сар надунанд,
Хушо онун, ки аз по сар надунанд, Миёни шӯъла хушку тар надунанд. Куништу Каъбаву бутхонаву дайр- Сарое холӣ аз дилбар надунанд.
Ҳар он кас ошиқ аст, аз ҷон натарсад,
Ҳар он кас ошиқ аст, аз ҷон натарсад, Ки ишқ аз кундаву зиндон натарсад. Дили ошиқ бувад гурги гурусна, Ки гург аз ҳай-ҳайн чӯпон натарсад.
Яке барзигаре нолун дар ин дашт
Яке барзигаре нолун дар ин дашт Ба чашми хунфишон олола мекишт. Ҳамекишту ҳамегуфт: Эй дареғо, Ки бояд киштану ҳиштан дар ин дашт.
Та дурӣ аз барам, дил дар барам нест,
Та дурӣ аз барам, дил дар барам нест, Ҳавои дигаре андар сарам нест. Ба ҷони дилбарам, к-аз ҳар ду олам Таманнои дигар ҷуз дилбарам нест.
Азизо, косаи чашмам сароят,
Азизо, косаи чашмам сароят, Миёни ҳар ду чашмам хоки поят. Аз он тарсам, ки ғофил по ниҳӣ боз, Нишинад хори мижгонам ба поят.
Бувад дарди муву дармунам аз дӯст,
Бувад дарди муву дармунам аз дӯст, Бувад васли муву ҳиҷрунам аз дӯст. Агар қассобам аз тан во кара пӯст, Ҷудо ҳаргиз нагарда ҷунам аз дӯст.
Та, ки нохондаӣ илми самовот,
Та, ки нохондаӣ илми самовот, Та, ки нобурдаӣ раҳ дар харобот, Та, ки суду зиёни худ назунӣ, Ба ёрун кай расӣ, ҳайҳот, ҳайҳот.
Субҳоналлаҳ, ба ҳар ғаме ёр туӣ,
Субҳоналлаҳ, ба ҳар ғаме ёр туӣ, Субҳоналлаҳ, кушоиши кор туӣ. Субҳоналлаҳ, ба амри ту кунфаякун, Субҳоналлаҳ, ғафуру ғаффор туӣ.
Он ҷо, ки бибоӣ, на падидӣ гӯӣ,
Он ҷо, ки бибоӣ, на падидӣ гӯӣ, Он ҷо, ки набоӣ, аз замин баррӯӣ. Ошиқ кунию муроди ошиқ ҷӯӣ, Инат хушию зарифию некӯӣ.
Эй дилбари исонафаси тарсоӣ,
Эй дилбари исонафаси тарсоӣ, Хоҳам, ки ба пеши банда бе тарс оӣ. Гаҳ ашк зи дидаи тарам хушк кунӣ, Гаҳ бар лаби хушки ман лаби тар соӣ.
Гуфтам, ки чароӣ ту бад-ин зебоӣ?
Гуфтам, ки чароӣ ту бад-ин зебоӣ? Гуфто худро, ки ман худам яктое. Ҳам ишқаму ҳам ошиқу ҳам маъшуқам, Ҳам оинаи ҷамолу ҳам биноӣ.
Дунё роҳе, биҳишт манзилгоҳе,
Дунё роҳе, биҳишт манзилгоҳе, Ин ҳар ду ба назди аҳли маънӣ коҳе. Гар ошиқи содиқӣ, зи ҳар ду бигузар, То дӯст туро ба худ намояд роҳе.
Аз ҳастии хеш то пушаймон нашавӣ,
Аз ҳастии хеш то пушаймон нашавӣ, Сарҳалқаи орифону мастон нашавӣ. То дар назари халқ нагардӣ кофир, Дар мазҳаби ошиқон мусулмон нашавӣ.
Дар мадраса гарчи донишандӯз шавӣ,
Дар мадраса гарчи донишандӯз шавӣ, В-аз гармии баҳс маҷлисафрӯз шавӣ. Дар мактаби ишқ бо ҳама доноӣ Саргашта чу тифлони навомӯз шавӣ.
Дар кӯи ту медиҳанд ҷоне ба ҷаве,
Дар кӯи ту медиҳанд ҷоне ба ҷаве, Ҷоне чӣ бувад, ки корвоне ба ҷаве. Аз васли ту як ҷав ба ҷаҳоне арзад, З-ин ҷинс, ки моем, ҷаҳоне ба ҷаве.
Боз ой, ки то сидқи ниёзам бинӣ,
Боз ой, ки то сидқи ниёзам бинӣ, Бедории шабҳои дарозам бинӣ. Не, не, ғалатам, ки худ фироқи ту, буто, Кай зинда гузорадам, ки бозам бинӣ?
Дунёи дании пурҳавасро чӣ кунӣ,
Дунёи дании пурҳавасро чӣ кунӣ, Олудаи ҳар нокасу касро чӣ кунӣ? Он ёр талаб кун, ки туро бошаду бас, Маъшуқаи сад ҳазор касро чӣ кунӣ?
Гуфтӣ, ки ба вақти маҷлис афрӯхтанӣ
Гуфтӣ, ки ба вақти маҷлис афрӯхтанӣ Оё ки чӣ нуктаҳост бардӯхтанӣ? Эй бехабар аз сӯхтаву сӯхтанӣ, Ишқ омаданӣ бувад, на омӯхтанӣ.