Шеърҳо бо теги: фалсафӣ
Шеърҳои марбут ба теги «фалсафӣ» дар сомонаи «Шоирон».
Мураттабкунӣ: навтарин аввал
Дилам зору ҳазина, чун нанолам,
Дилам зору ҳазина, чун нанолам, Вуҷудам оташина, чун нанолам? Ба му воҷан, ки чуну чанд нолӣ, Чу маргам дар камина, чун нанолам?
Фалак на ҳамсаре дорад, на ҳамкуф,
Фалак на ҳамсаре дорад, на ҳамкуф, Ба хунрезе касе асло нагуфт «уф». Ҳамеша шеваву кораш ҳамина, Чароғи дудмонеро кунад пуф.
Фалак, зору низорам кардӣ охир,
Фалак, зору низорам кардӣ охир, Ҷудо аз гулъизорам кардӣ охир. Миёни тахтаи нардам нишондӣ, Шашу панҷе ба корам кардӣ охир.
Алолай кӯҳсоронам таӣ, ёр,
Алолай кӯҳсоронам таӣ, ёр, Бунафшай ҷӯканоронам таӣ, ёр. Алолай кӯҳсорон ҳафтае бӣ, Умеди рӯзгоронам таӣ, ёр.
Макун коре, ки бар по сангат ояд,
Макун коре, ки бар по сангат ояд, Ҷаҳон бо ин фарохӣ тангат ояд. Чу фардо номахоҳун нома хоҳанд, Туро аз нома хондан нангат ояд.
Илоҳӣ, гардани гардун шавад хурд,
Илоҳӣ, гардани гардун шавад хурд, Ки фарзанди ҷаҳонро ҷумлагӣ бурд. Яке н-оя, фалонӣ зинда вобӣ, Ҳамегӯя:- Фалон ибни фалон мурд.
Ҳар он кас ошиқ аст, аз ҷон натарсад,
Ҳар он кас ошиқ аст, аз ҷон натарсад, Ки ишқ аз кундаву зиндон натарсад. Дили ошиқ бувад гурги гурусна, Ки гург аз ҳай-ҳайн чӯпон натарсад.
Агар зарринкулоҳӣ, оқибат ҳеч,
Агар зарринкулоҳӣ, оқибат ҳеч, Ба тахт ар подшоҳӣ, оқибат ҳеч. Гарат мулки Сулаймон дар нигин аст, Дар охир хоки роҳӣ, оқибат ҳеч.
Бувад дарди муву дармунам аз дӯст,
Бувад дарди муву дармунам аз дӯст, Бувад васли муву ҳиҷрунам аз дӯст. Агар қассобам аз тан во кара пӯст, Ҷудо ҳаргиз нагарда ҷунам аз дӯст.
Бибандам шолу мепӯшам қадакро,
Бибандам шолу мепӯшам қадакро, Бинозам гардиши чархи фалакро. Бигардам оби дарёҳо саросар, Бишӯям ҳар ду дасти бенамакро.
Бардорам дил, гар аз ҷаҳон фармоӣ,
Бардорам дил, гар аз ҷаҳон фармоӣ, Фармон барам, ар суду зиён фармоӣ. Бишинам, агар бар сари оташ, гӯӣ, Бархезам, агар аз сари ҷон, фармоӣ.
Дунё роҳе, биҳишт манзилгоҳе,
Дунё роҳе, биҳишт манзилгоҳе, Ин ҳар ду ба назди аҳли маънӣ коҳе. Гар ошиқи содиқӣ, зи ҳар ду бигузар, То дӯст туро ба худ намояд роҳе.
Гар сайди адам шавӣ, зи худ раста шавӣ,
Гар сайди адам шавӣ, зи худ раста шавӣ, В-ар дар сифати хеш шавӣ, баста шавӣ. Медон, ки вуҷуди ту ҳиҷоби раҳи туст, Бо худ манишин, ки ҳар замон хаста шавӣ.
Дар кӯи ту медиҳанд ҷоне ба ҷаве,
Дар кӯи ту медиҳанд ҷоне ба ҷаве, Ҷоне чӣ бувад, ки корвоне ба ҷаве. Аз васли ту як ҷав ба ҷаҳоне арзад, З-ин ҷинс, ки моем, ҷаҳоне ба ҷаве.
Майдони фароху марди майдоне не,
Майдони фароху марди майдоне не, Мардони ҷаҳон чунонки медонӣ, не. Дар зоҳирашон ба авлиё мемонанд, Дар ботинашон бӯи мусулмонӣ не.
Дунёи дании пурҳавасро чӣ кунӣ,
Дунёи дании пурҳавасро чӣ кунӣ, Олудаи ҳар нокасу касро чӣ кунӣ? Он ёр талаб кун, ки туро бошаду бас, Маъшуқаи сад ҳазор касро чӣ кунӣ?
Ҳастӣ, ки аён нест равон дар шоне,
Ҳастӣ, ки аён нест равон дар шоне, Дар шони дигар ҷилва кунад ҳар оне. Ин нукта ба ҷуз «Кул явмин фӣ шаънин» Гар боядат аз каломи Ҳақ бурҳоне.
То битавонӣ, бикаш ба ҷон бори диле,
То битавонӣ, бикаш ба ҷон бори диле, Мекӯш, ки то шавӣ зи дил ёри диле. Озори диле маҷӯ, ки ногоҳ кунӣ Кори ду ҷаҳон дар сари озори диле.
Эй дил, зи шароби ҷаҳл мастӣ то кай?
Эй дил, зи шароби ҷаҳл мастӣ то кай? В-эй нестшаванда лофи ҳастӣ то кай? Гар ғарқаи баҳри ҳасрату оз наӣ, Тардоманию ҳавопарастӣ то кай?
Вассофии худ ба рағми ҳосид то кай?
Вассофии худ ба рағми ҳосид то кай? Тарвиҷи чунин матоъи косид то кай? Ту маъдумӣ, хаёли ҳастӣ аз ту, Фосид бошад, хаёли фосид то кай?
Ҷон чист?- Ғаму дарду балоро ҳарфе,
Ҷон чист?- Ғаму дарду балоро ҳарфе, Дил чист?- Даруни сина сӯзею тафе. Алқисса, паи шикасти мо баста сафе, Марг аз тарафею зиндагӣ аз тарафе.
Эй дил, бари дӯст тӯҳфа ҷуз ҷон набарӣ,
Эй дил, бари дӯст тӯҳфа ҷуз ҷон набарӣ, Дардат чу диҳанд, номи дармон набарӣ. Бе дард зи дасти дӯст нолон гаштӣ, Хомӯш, ки арзи дардмандон набарӣ.
Ҳангоми сапедадам хурӯси саҳарӣ
Ҳангоми сапедадам хурӯси саҳарӣ Донӣ, ки чаро ҳамекунад навҳагарӣ? Яъне, ки намуданд дар оинаи субҳ, К-аз умр шабе гузашту ту бехабарӣ.
Эй чарх, басе лайлу наҳор овардӣ
Эй чарх, басе лайлу наҳор овардӣ, Гаҳ фасли хазону гаҳ баҳор овардӣ. Мардони ҷаҳонро ҳама бурдӣ ба замин, Номардонро ба рӯи кор овардӣ.
Ғам ҷумла насиби чархи хам боистӣ,
Ғам ҷумла насиби чархи хам боистӣ, Ё бо ғами ман сабр ба ҳам боистӣ. Ё мояи ғам чу умр кам боистӣ, Ё умр ба андозаи ғам боистӣ.