Шеърҳо бо теги: фалсафӣ
Шеърҳои марбут ба теги «фалсафӣ» дар сомонаи «Шоирон».
Зи ишқат оташе дар бӯта дирам,
Зи ишқат оташе дар бӯта дорам, Дар он оташ дилу ҷон сӯта дорам. Сагат гар по ниҳад бар чашм, эй дӯст, Ба мижгон хоки роҳаш рӯта дорам.
Агар ҷоят ба чархи чанбарин бӣ,
Агар ҷоят ба чархи чанбарин бӣ, Мудумат гурги марг андар камин бӣ. Агар сад сол дар дунё бимунӣ, Дар охир манзилат зери замин бӣ.
Ҳар ун кас, молу ҷоҳаш бештар бӣ,
Ҳар ун кас, молу ҷоҳаш бештар бӣ, Дилаш аз дарди дунё рештар бӣ. Агар бар сар ниҳад чун хусравун тоҷ, Ба ширин ҷонаш охир нештар бӣ.
Ба гӯристон гузар кардам сабоҳе,
Ба гӯристон гузар кардам сабоҳе, Шунидам нолаву афғону оҳе. Шунидам, каллае бо хок мегуфт, Ки ин дунё намеарзад ба коҳе.
Замони лолазорун ҳафтае бӣ,
Замони лолазорун ҳафтае бӣ, Ки фасли навбаҳорун ҳафтае бӣ. Ғанимат дун висоли ёри ҷонӣ, Ки васли рӯи ёрун ҳафтае бӣ.
Ба дунёи данӣ кай монданӣ бӣ,
Ба дунёи данӣ кай монданӣ бӣ, Ки доман бар ҷаҳон афшонданӣ бӣ. Ҳаме «Ло тақнату» хонӣ, азизо, Дило, «Ё вайлано» ҳам хонданӣ бӣ.
Саросар моли дунё сӯтанӣ бӣ,
Саросар моли дунё сӯтанӣ бӣ, Назар аз моли дунё дӯтанӣ бӣ. Ғаму дарде, ки дар дил дорӣ имрӯз, Барои рӯзи ҳашр андӯтанӣ бӣ.
Илоҳӣ, эй фалак, чун му забун шӣ,
Илоҳӣ, эй фалак, чун му забун шӣ, Дилат ҳамчун дили му ғарқи хун шӣ. Агар як лаҳзаам беғам бубинӣ, Яқин дунам, к-аз ин ғам сарнигун шӣ.
Ғам андар синаи му хона дирӣ,
Ғам андар синаи му хона дирӣ, Чу вайрона, ки бум ошона дирӣ. Фалак, андар дили мискини му неҳ, Аз ин ғам ҳар чӣ дар анбона дирӣ.
Ҷаҳон хон бию мардум меҳмон бӣ,
Ҷаҳон хон бию мардум меҳмон бӣ, Имрӯз олола бӣ, фардо хазон бӣ. Сияҳ чоле канан, номаш ниҳан гӯр, Ба му воҷан, ки инат хонумон бӣ.
Агар номеҳрубонам меҳрубон бӣ,
Агар номеҳрубонам меҳрубон бӣ, Чаро аз дидагонам хун равон бӣ? Агар дилбар ба му дилдор меша, Чаро дар тан маро на дил, на ҷон бӣ.
Мудомам дил пур аз хуни ҷигар бӣ,
Мудомам дил пур аз хуни ҷигар бӣ, Мудомам ҷон ҳазину дида тар бӣ. Нишинам бар сари роҳат, шавад рӯз, Бувад рӯзе, туро бар му гузар бӣ.
Фалак, дар қасди озорам чароӣ,
Фалак, дар қасди озорам чароӣ, Гулам гар нестӣ, хорам чароӣ? Та, ки боре зи дӯшам барнадорӣ, Миёни бор сарборам чароӣ?
Зи шӯрангезии чарху фалак бӣ,
Зи шӯрангезии чарху фалак бӣ, Ки доим дидаи му пурнамак бӣ. Дамодам дуди оҳам бар само бӣ, Паёпай ашки чашмам бар самак бӣ.
Мудомам дил пурозар, дида тар бӣ,
Мудомам дил пурозар, дида тар бӣ, Ҷоми айшам пур аз хуни ҷигар бӣ. Зи бӯят зиндагӣ ёбам пас аз марг, Туро гар бар сари хокам гузар бӣ.
Паи марги накӯён гул нарӯӣ,
Паи марги накӯён гул нарӯӣ, В-агар рӯӣ, на рангаш бӣ, на бӯе. Зи худрӯ ҳеч ҳосил барнахеза, Ба ҷуз бадномию беобрӯӣ.
Ҳазорон лола гӯян дар ҷаҳон бӣ,
Ҳазорон лола гӯян дар ҷаҳон бӣ, Ҳама бар му диҳан, бар дил гарон бӣ. Алолай хум, ки хушранг асту хушбӯ, Сарафрози ҳама ололаён бӣ.
Ҷаҳони бевафо зиндони мо бӣ,
Ҷаҳони бевафо зиндони мо бӣ, Хори ғам қисмати домони мо бӣ. Сабри Айюбу меҳнатҳои Яъқуб Ҳама гӯӣ насиби ҷони мо бӣ.
Дило, роҳат пур аз хору хасак бӣ,
Дило, роҳат пур аз хору хасак бӣ, Гузорат бар сари чарху фалак бӣ. Гар аз дастат бароя, пӯст аз тан Баровар, то ки борат камтарак бӣ.
Зи бас меҳри рухат олам фирӯза,
Зи бас меҳри рухат олам фирӯза, Ҷаҳонро дил ба меҳрат сина сӯза. Фалакро шева доим инчунин буд, Ки ҳар ҷо чашми уммеде бидӯза.
Азизон, мавсими ҷӯши баҳора,
Азизон, мавсими ҷӯши баҳора, Чаман пурсабза, саҳро лолазора. Дар ин мавсим даме фурсат ғанимат, Ки дунёи данӣ беэътибора.
Маро ишқат зи ҷон озар барора,
Маро ишқат зи ҷон озар барора, Зи пайкар мушти хокистар барора. Ниҳоли меҳрат аз дил гар бибурран, Ҳазорон шох ҳар сӯ сар барора.
Зи ғам ҷон дар танам даргир дора,
Зи ғам ҷон дар танам даргир дора, Сарам дар раҳни теғи обдора. Надорам ихтиёре аз чӣ ҷӯшаш, Дили му тоби ин савдо надора.
Саҳаргоҳон фиғони булбулона,
Саҳаргоҳон фиғони булбулона, Ба ёди рӯи пурнури гулона. Зи оҳи му, фалак, охир ҳазар кун, Асар дар нолаи сӯтадилона.
Ба дунё мисли му дилсӯтае на,
Ба дунё мисли му дилсӯтае на, Ба дарди сӯз ғамандӯтае на. Чунон бандам раҳи сели ду дида, Ки ин захми дилам лавсӯтае на.