Шеърҳо
Пурхонандатарин шоирони муосир
Пурхонандатарин шеърҳо
Дониш андар дил чароғи равшан аст
То ҷаҳон буд аз сари одам фароз, Кас набуд аз роҳи дониш бениёз. Мардумони бихрад андар ҳар замон, Роҳи донишро ба ҳар гуна забон.
Забони модарӣ
Ҳарчи ӯ аз моли дунё дошт, дод, Хиттаи Балху Бухоро дошт, дод, Суннати волою девон дошт, дод, Тахти Сомон дошт, дод.
Таджикистан — мой родной край
Таджикистан — мой родной край, Цветёшь ты, словно дивный рай. Живётся вольно, преград нет, В сердцах свобода, как рассвет.
Зан агар оташ намешуд, хом мемондем мо
Зан агар оташ намешуд, хом мемондем мо, Норасида бодаи дар ҷом мемондем мо. Зан агар моро намебахшид умри ҷовидон, Бетахаллус, бенасаб, беном мемондем мо.
Шикоят аз пирӣ
Маро бисуду фурӯ рехт ҳарчи дандон буд, Набуд дандон, ло, бал чароғи тобон буд. Сапеди симрада буду дурру марҷон буд, Ситораи саҳарӣ буду қатраи борон буд!
Ҳар касеро баҳри коре сохтанд
Ҳар касеро баҳри коре сохтанд, Майли онро дар дилаш андохтанд. Пайи илм ҳамчу шамь бояд гудохт, Ки бе илм Худо натавон шинохт.
Ҳар бод, ки аз суйи Бухоро ба ман ояд
Ҳар бод, ки аз суйи Бухоро ба ман ояд, Бо буйи гулу мушку насими суман ояд. Бар ҳар зану ҳар мард куҷо барвазад он бод?! Гӯйӣ, магар он бод ҳаме аз Хутан ояд.
Муаллим
Шеъре ба номи некат, омӯзгор, дорам, Дар анҷуман ба дастат чун туҳфае супорам, Баҳри сипоси хотир дастат ҳамефишорам, Миннатпазирам аз ту доим ба рӯзгорам.
Тифл мондам аз ту модар, рӯйи ту дар ёд нест
Тифл мондам аз ту модар, рӯйи ту дар ёд нест, Қомати ту чашми ту абрӯйи ту дар ёд нест. Дар суроғат мезанам худро ба ҳар як кӯю дар, Чун, ки то имрӯз модар кӯйи
Офтобо, бори дигар хонаро пурнур кун
Офтобо, бори дигар хонаро пурнур кун, Дӯстонро шод гардон, душманонро кӯр кун! Аз паси кӯҳе барову сангҳоро лаъл соз, Бори дигар ғӯраҳоро пухтаву ангур кун!
Одамият
Тани одамӣ шариф аст ба ҷони одамият, На ҳамин либоси зебост нишони одамият! Агар одамӣ ба чашм асту даҳону гӯшу бинӣ, Чӣ миёни нақши девору миёни одамият!
Ватан сар мешавад аз гоҳвора
Ватан сар мешавад аз гоҳвора, Зи шири поку аз пистони модар. Ватан сар мешавад аз он тавора, Ки онро сохта дастони модар.
Забон гумкарда
Ҳар ки дорад дар ҷаҳон гумкардае, Дар замину дар замон гумкардае. Ин нишон гумкардаеву дигаре, Хештанро бенишон гумкардае.
Биёед эй рафиқон дарс хонем
Биёед эй рафиқон дарс хонем, Ба бекорию нодони намонем. Ба олам ҳар касе бекор гардад, Ба чашми аҳли олам хор гардад.
Ҷони ширин (қисми 1)
Ҷони ширин, ин қадар ҷангам макун, Ин қадар беҳуда дилтангам макун. Гашта-гашта дар сафар боз омадам,
Мо ҳеҷ, замона хеҷ, дунё ҳама ҳеҷ
Мо ҳеҷ, замона хеҷ, дунё ҳама ҳеҷ. Эй ҳеҷ, зи баҳри хеҷ бар ҳеҷ мапеч. Донӣ, ки зи одамӣ чӣ мемонаду бас? Меҳр асту муҳаббат асту боқӣ ҳама ҳеҷ!
Эй ашк оҳиста бирез, ки ғам зиёд аст
Эй ашк оҳиста бирез, ки ғам зиёд аст, Эй шамъ оҳиста бисӯз, ки шаб дароз аст. Имрӯз касе маҳрами асрори касе нест, Мо таҷриба кардем касе ёри касе нест.
Бӯи ҷӯи Мӯлиён
Бӯи Ҷӯи Мӯлиён ояд ҳаме, Ёди ёри меҳрубон ояд ҳаме. Реги Омуву дурушти роҳи ӯ, Зери поям парниён ояд ҳаме.
Эй қавми ба Ҳаҷ рафта, куҷоед, куҷоед
Эй қавми ба Ҳаҷ рафта, куҷоед, куҷоед? Маъшуқ ҳамин ҷост, биёед, биёед. Маъшуқи ту ҳамсояву девор ба девор, Дар бодия саргашта шумо дар чӣ ҳавоед.
Ҳаққи устод аз падар беш аст
Ҳаққи устод аз падар беш аст В-аз падар устод дар пеш аст. Гар падар аз ҳаёт баҳра диҳад, Устод аз наҷот баҳра диҳад.
Хандаи лола
Бихандад лола бар саҳро, Ба сони чеҳраи Лайло. Бигиряд абр бар гардун, Ба сони дидаи Маҷнун.
Найнома
Бишнав аз най чун ҳикоят мекунад, Аз ҷудойиҳо шикоят мекунад, К-аз найистон то маро бубридаанд, Дар нафирам марду зан нолидаанд.
Хоҳӣ, ки ҳамеша шоду хуррам бошӣ
Хоҳӣ, ки ҳамеша шоду хуррам бошӣ, Ҳар ҷо ки равӣ, азизу маҳрам бошӣ, Покиза шаву рост бизӣ, илм омӯз, То тоҷи сари наберагони Одам бошӣ.
Шони муаллим
Баланд аст аз фалак шони муаллим, Бувад ҷонбахши мо ҷони муаллим. Набошад неъмате дар ҳар ду олам Ҳалол аз пораи нони муаллим.
Худо гар парда бардорад
Худо гар парда бардорад зи рӯи кори одамҳо, Чӣ шодиҳо хӯрад барҳам, чӣ бозиҳо шавад расво. Яке хандад зи ободӣ, яке гиряд зи барбодӣ, Яке аз ҷон кунад шодӣ, яке
Ҳамаи шеърҳо
Мураттабкунӣ: навтарин аввал
Ҳама банди танам монанди най бӣ,
Ҳама банди танам монанди най бӣ, Мудомам дарди ҳиҷронат зи пай бӣ. Маро сӯзу гудоза то қиёмат, Худо дуна, қиёмат то ба кай бӣ.
Ҷаҳони бевафо зиндони мо бӣ,
Ҷаҳони бевафо зиндони мо бӣ, Хори ғам қисмати домони мо бӣ. Сабри Айюбу меҳнатҳои Яъқуб Ҳама гӯӣ насиби ҷони мо бӣ.
Мудомам дил пуроташ, дида тар бӣ,
Мудомам дил пуроташ, дида тар бӣ, Асоси айшам аз хуни ҷигар бӣ. Та ки ҳаргиз насӯта ҷонат аз ғайр, Куҷо аз сӯтаҷононат хабар бӣ?
Ғами олам насиби ҷони мо бӣ,
Ғами олам насиби ҷони мо бӣ, Ба дарди мо фароғат кимиё бӣ. Расад охир ба дармон дарди ҳар кас, Дили мо бӣ, ки дармонаш бало бӣ.
Нигорино, дилу ҷонам та дорӣ,
Нигорино, дилу ҷонам та дорӣ, Ҳама пайдову пинҳонам та дорӣ. Намедунам, ки ин дард аз кӣ дорам, Ҳамин дунам, ки дармонам та дорӣ.
Муро на фикри савдое, на суде,
Муро на фикри савдое, на суде, На дар дил фикри беҳбуде, на буде. Нахоҳам ҷӯканору чашмасорун, Ки ҳар чашмам ҳазорун Зиндарӯде.
Дилам бӣ андалеби хушнавое,
Дилам бӣ андалеби хушнавое, Ки менолад зи ғам ҳар субҳгоҳе. Ба шохи гул саҳар булбул ҳамегуфт, Ки: Эй гул, бевафоӣ, бевафоӣ!
Ду чашмунат пиёлай пур зи май бӣ,
Ду чашмунат пиёлай пур зи май бӣ, Ду зулфонат хироҷи мулки Рай бӣ. Ҳаме ваъда карӣ имрӯзу фардо, Надонам му, ки фардои ту кай бӣ.
Агар дардам яке будӣ, чӣ будӣ,
Агар дардам яке будӣ, чӣ будӣ, Агар ғам андаке будӣ, чӣ будӣ. Ба болинам ҳабибе ё табибе, Аз ин ҳар ду яке будӣ, чӣ будӣ.
Шави тору биёбон пурварак бӣ,
Шави тору биёбон пурварак бӣ, Ҳама саҳро пур аз хору хасак бӣ. Набошад андар ин раҳ рӯшноӣ, Хушо он кас, ки бораш камтарак бӣ.
Дило, роҳат пур аз хору хасак бӣ,
Дило, роҳат пур аз хору хасак бӣ, Гузорат бар сари чарху фалак бӣ. Гар аз дастат бароя, пӯст аз тан Баровар, то ки борат камтарак бӣ.
Та, ки нозандаболо, дилрабоӣ,
Та, ки нозандаболо, дилрабоӣ, Та, ки бе сурма чашмон сурмасоӣ. Та, ки мушкин ду гесӯ дар қафоӣ, Ба му воҷӣ, ки саргардон чароӣ.
Мусалсал зулф бар рӯ рета дорӣ,
Мусалсал зулф бар рӯ рета дорӣ, Гулу сунбул ба ҳам омета дорӣ. Парешон чун карӣ он тори зулфон, Ба ҳар торе диле овета дорӣ.
Ҳар он боғе, ки нахлаш сар ба дар бӣ,
Ҳар он боғе, ки нахлаш сар ба дар бӣ, Мудомаш боғбун хунинҷигар бӣ. Бибояд канданаш аз беху аз бун, Агар бораш ҳама лаълу гуҳар бӣ.
Кушимон ар ба зорӣ, аз кӣ тарсӣ,
Кушимон ар ба зорӣ, аз кӣ тарсӣ, Бирунӣ ар ба хорӣ, аз кӣ тарсӣ. Ба ин нима дил аз кас му натарсам, Ду олам дил та дорӣ, аз кӣ тарсӣ?
Бало бӣ дил, Худоё, дил бало бӣ,
Бало бӣ дил, Худоё, дил бало бӣ, Гунаҳ чашмон кару дил мубтало бӣ. Агар чашмон накардӣ дидабонӣ, Чӣ донистӣ дилам, хубон куҷо бӣ?
Хушо онон, ки Аллаҳ ёрашон бӣ,
Хушо онон, ки Аллаҳ ёрашон бӣ, Ки ҳамду «Қулҳуваллаҳ» корашон бӣ. Хушо онон, ки доим дар намозанд, Биҳишти ҷовидон бозорашон бӣ.
Алолай кӯҳсорон ҳафтае бӣ,
Алолай кӯҳсорон ҳафтае бӣ, Бунафшай ҷӯканорон ҳафтае бӣ. Мунодӣ мекарам шаҳру ба шаҳру, Вафои гулъизорон ҳафтае бӣ.
Зи кишти хотирам ҷуз ғам нарӯӣ,
Зи кишти хотирам ҷуз ғам нарӯӣ, Зи боғам ҷуз гули мотам нарӯӣ. Зи саҳрои дили беҳосили му Гиёҳи ноумедӣ ҳам нарӯӣ.
Ман он шамъам, ки ишқам озарин бӣ,
Ман он шамъам, ки ишқам озарин бӣ, Касе, ки сӯтадил, ашкаш ҳамин бӣ. Ҳама шав сӯҷаму гирям ҳама рӯз, Зи та шомам чунон, рӯзам чунин бӣ.
Баҳор оӣ, ба ҳар шохе гуле бӣ,
Баҳор оӣ, ба ҳар шохе гуле бӣ, Ба ҳар боғе ҳазорон булбуле бӣ. Ба ҳар марзе наёрам по ниҳодан, Мабод аз му батар сӯтадиле бӣ.
Аз он рӯзе, ки моро офаридӣ,
Аз он рӯзе, ки моро офаридӣ, Ба ғайр аз маъсият чизе надидӣ. Худовандо, ба ҳаққи ҳашту чорат Зи му бигзар, шутур дидӣ, надидӣ.
Дилат, эй сангдил, бар мо насӯҷӣ,
Дилат, эй сангдил, бар мо насӯҷӣ, Аҷаб набвад, агар хоро насӯҷӣ. Бисӯҷам, то бисӯҷонам дилатро, Дар озар чӯби тар танҳо насӯҷӣ.
Гарам рунӣ, в-арам хунӣ, та дунӣ,
Гарам рунӣ, в-арам хунӣ, та дунӣ, В-арам охир бисӯзонӣ, та дунӣ. В-арам бар сар ниҳӣ Алванду Майманд, Ҳамевожам, Худо, дунӣ, та дунӣ.
Ғами ишқат зи ганҷи ройгон беҳ.
Ғами ишқат зи ганҷи ройгон беҳ. Висоли та зи умри ҷовидон беҳ. Кафе аз хоки кӯят, дар ҳақиқат, Худо дуна, ки аз кавну макон беҳ.