Шеърҳо бо теги: андешавӣ
Шеърҳои марбут ба теги «андешавӣ» дар сомонаи «Шоирон».
Мураттабкунӣ: навтарин аввал
Ман ронда зи майхонаам, аз ман бигурезед
Ман ронда зи майхонаам, аз ман бигурезед! Дурдикаши девонаам, аз ман бигурезед! Дар дасти қазо ҷон ба лабу дида ба мино, Саргашта чу паймонаам, аз ман бигурезед
Хоҳӣ, ки ҳамеша шоду хуррам бошӣ
Хоҳӣ, ки ҳамеша шоду хуррам бошӣ, Ҳарҷо, ки равӣ азизу маҳрам бошӣ, Покиза шаву рост бизӣ, илм омуз, То тоҷи наберагони Одам бошӣ.
Макун ғайбат агар ақлат тамом аст
Макун ғайбат агар ақлат тамом аст, Ки гуфтори ту дар ғайбат ҳаром аст. Агар айби ту гардад бар ту зоҳир, Ба айби кас куҷо пардози охир.
Хурмо натавон хӯрдан аз ин хор, ки киштем
Хурмо натавон хӯрдан аз ин хор, ки киштем, Дебо натавон кардан аз ин пашм, ки риштем. Бар ҳарфи маосӣ хати узре накашидем, Паҳлуи кабоир ҳасаноте нанавиштем.
Шодии дунё саросар ғам бувад
Шодии дунё саросар ғам бувад, Сури ӯро дар ақиб мотам бувад. Шодмониро надорад дӯст Ҳақ , Ин сухан дорам зи устодон сабақ.
Бародар он бувад, ки рӯзи сахтӣ
Бародар он бувад, ки рӯзи сахтӣ, Туро ёрӣ кунад дар тангдастӣ.
Чу доно туро душмани ҷон бувад
Чу доно туро душмани ҷон бувад, Беҳ аз дӯстмарде, ки нодон бувад. Ба омӯхтан чун фурӯтан шавӣ, Суханро зи донандагон бишнавӣ.
Эй дили реши маро бо лаби ту ҳаққи намак
Эй дили реши маро бо лаби ту ҳаққи намак, Ҳақ нигаҳ дор, ки ман меравам, аллоҳ маак. Туй он гавҳари покиза, ки дар олами қудс Зикри хайри ту бувад ҳосили тасбеҳ
То чанд асири рангу бӯ хоҳи шуд
То чанд асири рангу бӯ хоҳӣ шуд, Чанд аз пайи ҳар зишту некӯ хоҳӣ шуд. Гар чашмаи замзамию гар оби ҳаёт, Охир ба дили хок фурӯ хоҳӣ шуд.
Мабар дарс аз ёд
Гуфт устод: «Мабар дарс аз ёд!» Ёд бод он чӣ маро гуфт устод! Ҳеҷ ёдам наравад ин маънӣ, Ки маро модари ман нодон зод.
То тавонӣ хеҷ гоҳ ғайбат макун
То тавонӣ хеҷ гоҳ ғайбат макун, Ғайри шайтон бар касе лаънат макун. Ҳар кӣ ғайбат мекунад, ӯ банда нест, Назди Аллоҳ лоиқи арзанда нест.
Наёбад ҳеч кас умри дубора
Наёбад ҳеч кас умри дубора, Ба илме рав, к-аз онат нест чора.
Расми сагон аст ба ҳар сӯ нигоҳ
Расми сагон аст ба ҳар сӯ нигоҳ, Шер сарафканда хиромад ба роҳ.
Ту бар тахти султонии хеш бош
Ту бар тахти султонии хеш бош, Ба ахлоқи покиза дарвеш бош.
Мағрур машав ба мол чун бехабарон
Мағрур машав ба мол чун бехабарон, Зеро ки бувад мол чу абри гузарон.
Аз мукофоти амал ғофил машав
Аз мукофоти амал ғофил машав, Гандум аз гандум бирӯяд, ҷав зи ҷав.
Агар нодон ба даҳшат сахт гӯяд
Агар нодон ба даҳшат сахт гӯяд, Хирадмандаш ба нармӣ дил биҷӯяд.
Накӯ гуфт донандаи несту ҳаст
Накӯ гуфт донандаи несту ҳаст: Маро дӯсти нек аз бародар беҳ аст.
Ба ҳар коре, ки хоҳӣ кард мадхал
Ба ҳар коре, ки хоҳӣ кард мадхал, Нигаҳ, кун охири кораш ба аввал.
Ҷон чароғ асту ақл равғани ӯ
Ҷон чароғ асту ақл равғани ӯ, Ақл ҷон асту дониш аст тани ӯ.
Ҳар ки кирдори бад раво бинад
Ҳар ки кирдори бад раво бинад, Худ зи кирдори бад ҷазо бинад.
Ҳар кӣ дар ӯ ҷавҳари доноияст
Ҳар кӣ дар ӯ ҷавҳари доноияст, Бар ҳама кораш тавоноияст.
Навмед набояд шудан аз гардиши айём
Навмед набояд шудан аз гардиши айём, Ҳар шом, ки ояд, зи пайи он саҳаре ҳаст.
Машварат идроку ҳушёрӣ диҳад
Машварат идроку ҳушёрӣ диҳад, Ақлҳоро ақлҳо ёрӣ диҳад.
Ҳар ки ӯ бо дӯстон якдил бувад
Ҳар ки ӯ бо дӯстон якдил бувад, Ҷумла мақсуди дилаш ҳосил бувад.