Шеърҳо бо теги: андешавӣ
Шеърҳои марбут ба теги «андешавӣ» дар сомонаи «Шоирон».
Дили нозук мисоли шишаам бӣ,
Дили нозук мисоли шишаам бӣ, Агар оҳе кашам, андешаам бӣ. Сиришкам гар бувад хунин, аҷаб не, Му он дорам, ки дар хун решаам бӣ.
Чи хуш бе васлат оҳанги малак бӣ,
Чи хуш бе васлат оҳанги малак бӣ, Маро васли ту ороми дилак бӣ. Зи ҳаҷрат, эй бути ширину чолок, Дамодам дасти ҳайрат бар сарак бӣ.
Муро на фикри савдое, на суде,
Муро на фикри савдое, на суде, На дар дил фикри беҳбуде, на буде. Нахоҳам ҷӯканору чашмасорун, Ки ҳар чашмам ҳазорун Зиндарӯде.
Ду чашмунат пиёлай пур зи май бӣ,
Ду чашмунат пиёлай пур зи май бӣ, Ду зулфонат хироҷи мулки Рай бӣ. Ҳаме ваъда карӣ имрӯзу фардо, Надонам му, ки фардои ту кай бӣ.
Дилам тангу надонам сабр кардан,
Дилам тангу надонам сабр кардан, Зи дилтангӣ бувам розӣ ба мурдан. Зи шарми рӯи та му дар ҳиҷобам, Надонам арзи ҳолам во та кардан.
Ба умри хештан то ёд дирам,
Ба умри хештан то ёд дирам, Зи ҳаҷрат нолаву фарёд дирам. Надорам хотири шоде ба хотир, Ҳамеша хотири ношод дирам.
Зи бахти бад ҳазор андеша дирам,
Зи бахти бад ҳазор андеша дирам, Ҳамеша заҳри ғам дар шиша дирам. Зи носозии бахту гардиши чарх Фиғону оҳу зорӣ пеша дирам.
Намедонам, ки розам во кӣ вожам,
Намедонам, ки розам во кӣ вожам, Ғами сӯзу гудозам во кӣ вожам. Чӣ вожам, ҳар кӣ зуна, бингара фош, Дигар розу ниёзам во кӣ вожам?
Зи дасти дидаву дил ҳар ду фарёд,
Зи дасти дидаву дил ҳар ду фарёд, Ҳар он чи дида бинад, дил кунад ёд. Бисозам ханҷаре, нешаш зи фӯлод, Занам бар дида, то дил гардад озод.