Шеърҳо
Пурхонандатарин шоирони муосир
Пурхонандатарин шеърҳо
Дониш андар дил чароғи равшан аст
То ҷаҳон буд аз сари одам фароз, Кас набуд аз роҳи дониш бениёз. Мардумони бихрад андар ҳар замон, Роҳи донишро ба ҳар гуна забон.
Забони модарӣ
Ҳарчи ӯ аз моли дунё дошт, дод, Хиттаи Балху Бухоро дошт, дод, Суннати волою девон дошт, дод, Тахти Сомон дошт, дод.
Таджикистан — мой родной край
Таджикистан — мой родной край, Цветёшь ты, словно дивный рай. Живётся вольно, преград нет, В сердцах свобода, как рассвет.
Зан агар оташ намешуд, хом мемондем мо
Зан агар оташ намешуд, хом мемондем мо, Норасида бодаи дар ҷом мемондем мо. Зан агар моро намебахшид умри ҷовидон, Бетахаллус, бенасаб, беном мемондем мо.
Шикоят аз пирӣ
Маро бисуду фурӯ рехт ҳарчи дандон буд, Набуд дандон, ло, бал чароғи тобон буд. Сапеди симрада буду дурру марҷон буд, Ситораи саҳарӣ буду қатраи борон буд!
Ҳар касеро баҳри коре сохтанд
Ҳар касеро баҳри коре сохтанд, Майли онро дар дилаш андохтанд. Пайи илм ҳамчу шамь бояд гудохт, Ки бе илм Худо натавон шинохт.
Ҳар бод, ки аз суйи Бухоро ба ман ояд
Ҳар бод, ки аз суйи Бухоро ба ман ояд, Бо буйи гулу мушку насими суман ояд. Бар ҳар зану ҳар мард куҷо барвазад он бод?! Гӯйӣ, магар он бод ҳаме аз Хутан ояд.
Муаллим
Шеъре ба номи некат, омӯзгор, дорам, Дар анҷуман ба дастат чун туҳфае супорам, Баҳри сипоси хотир дастат ҳамефишорам, Миннатпазирам аз ту доим ба рӯзгорам.
Тифл мондам аз ту модар, рӯйи ту дар ёд нест
Тифл мондам аз ту модар, рӯйи ту дар ёд нест, Қомати ту чашми ту абрӯйи ту дар ёд нест. Дар суроғат мезанам худро ба ҳар як кӯю дар, Чун, ки то имрӯз модар кӯйи
Офтобо, бори дигар хонаро пурнур кун
Офтобо, бори дигар хонаро пурнур кун, Дӯстонро шод гардон, душманонро кӯр кун! Аз паси кӯҳе барову сангҳоро лаъл соз, Бори дигар ғӯраҳоро пухтаву ангур кун!
Одамият
Тани одамӣ шариф аст ба ҷони одамият, На ҳамин либоси зебост нишони одамият! Агар одамӣ ба чашм асту даҳону гӯшу бинӣ, Чӣ миёни нақши девору миёни одамият!
Ватан сар мешавад аз гоҳвора
Ватан сар мешавад аз гоҳвора, Зи шири поку аз пистони модар. Ватан сар мешавад аз он тавора, Ки онро сохта дастони модар.
Забон гумкарда
Ҳар ки дорад дар ҷаҳон гумкардае, Дар замину дар замон гумкардае. Ин нишон гумкардаеву дигаре, Хештанро бенишон гумкардае.
Биёед эй рафиқон дарс хонем
Биёед эй рафиқон дарс хонем, Ба бекорию нодони намонем. Ба олам ҳар касе бекор гардад, Ба чашми аҳли олам хор гардад.
Ҷони ширин (қисми 1)
Ҷони ширин, ин қадар ҷангам макун, Ин қадар беҳуда дилтангам макун. Гашта-гашта дар сафар боз омадам,
Мо ҳеҷ, замона хеҷ, дунё ҳама ҳеҷ
Мо ҳеҷ, замона хеҷ, дунё ҳама ҳеҷ. Эй ҳеҷ, зи баҳри хеҷ бар ҳеҷ мапеч. Донӣ, ки зи одамӣ чӣ мемонаду бас? Меҳр асту муҳаббат асту боқӣ ҳама ҳеҷ!
Эй ашк оҳиста бирез, ки ғам зиёд аст
Эй ашк оҳиста бирез, ки ғам зиёд аст, Эй шамъ оҳиста бисӯз, ки шаб дароз аст. Имрӯз касе маҳрами асрори касе нест, Мо таҷриба кардем касе ёри касе нест.
Бӯи ҷӯи Мӯлиён
Бӯи Ҷӯи Мӯлиён ояд ҳаме, Ёди ёри меҳрубон ояд ҳаме. Реги Омуву дурушти роҳи ӯ, Зери поям парниён ояд ҳаме.
Эй қавми ба Ҳаҷ рафта, куҷоед, куҷоед
Эй қавми ба Ҳаҷ рафта, куҷоед, куҷоед? Маъшуқ ҳамин ҷост, биёед, биёед. Маъшуқи ту ҳамсояву девор ба девор, Дар бодия саргашта шумо дар чӣ ҳавоед.
Ҳаққи устод аз падар беш аст
Ҳаққи устод аз падар беш аст В-аз падар устод дар пеш аст. Гар падар аз ҳаёт баҳра диҳад, Устод аз наҷот баҳра диҳад.
Хандаи лола
Бихандад лола бар саҳро, Ба сони чеҳраи Лайло. Бигиряд абр бар гардун, Ба сони дидаи Маҷнун.
Найнома
Бишнав аз най чун ҳикоят мекунад, Аз ҷудойиҳо шикоят мекунад, К-аз найистон то маро бубридаанд, Дар нафирам марду зан нолидаанд.
Хоҳӣ, ки ҳамеша шоду хуррам бошӣ
Хоҳӣ, ки ҳамеша шоду хуррам бошӣ, Ҳар ҷо ки равӣ, азизу маҳрам бошӣ, Покиза шаву рост бизӣ, илм омӯз, То тоҷи сари наберагони Одам бошӣ.
Шони муаллим
Баланд аст аз фалак шони муаллим, Бувад ҷонбахши мо ҷони муаллим. Набошад неъмате дар ҳар ду олам Ҳалол аз пораи нони муаллим.
Худо гар парда бардорад
Худо гар парда бардорад зи рӯи кори одамҳо, Чӣ шодиҳо хӯрад барҳам, чӣ бозиҳо шавад расво. Яке хандад зи ободӣ, яке гиряд зи барбодӣ, Яке аз ҷон кунад шодӣ, яке
Ҳамаи шеърҳо
Мураттабкунӣ: навтарин аввал
Бура, к-аз дида Ҷайҳуне бисозам,
Бура, к-аз дида Ҷайҳуне бисозам, Бура, Лайлию Маҷнуне бисозам. Фаридуни азиз аз дасти му рафт, Бура, аз нав Фаридуне бисозам.
Ҷигар пурдард то кай ояму шам,
Ҷигар пурдард то кай ояму шам, Зи васлат фард то кай ояму шам. Чаро гӯӣ, ки дар кӯям наёӣ, Му то кай бо рухи зард ояму шам?
Сари кӯи ту то чанд ояму шам,
Сари кӯи ту то чанд ояму шам, Зи васлат бенаво чанд ояму шам? Сари кӯят барои дидани ту, Натарсӣ аз Худо, чанд ояму шам?!
Ҳазорон мулки дунё гар бидорам,
Ҳазорон мулки дунё гар бидорам, Ҳазорон мулки уқбо гар бидорам. Бура, та дилбарам, то бо та вожам, Ки бе рӯи ту онро гар бидорам.
Ғами олам ҳама кардӣ ба борам,
Ғами олам ҳама кардӣ ба борам, Магар му луки масти сарқаторам. Маҳорам кардию додӣ ба нокас, Фузудӣ ҳар замон боре ба борам.
Дилоро, бе ту зору нотавонам,
Дилоро, бе ту зору нотавонам, Ҷигар пурхору пурхас дидагонам. Ҳамон дастон, ки во та бу ба гардан, Кунунаш чун магас бар сар занонам.
Ҳазорон ғам ба дил андӯта дирам,
Ҳазорон ғам ба дил андӯта дирам, Ба сина оташе афрӯта дирам. Ба як оҳи саҳаргоҳ аз дили танг Ҳазорон муддаиро сӯта дирам.
Зи ишқат оташе дар бӯта дирам,
Зи ишқат оташе дар бӯта дирам, Дар ун оташ дилу хун сӯта дирам. Сагат гар по ниҳад бар чашмам, эй дӯст, Ба мижгун хоки роҳаш рӯта дирам.
Гулистон ҷои ту, эй нозанинам,
Гулистон ҷои ту, эй нозанинам, Му дар гулхан ба хокистар нишинам. Чи дар гулшан, чи дар гулхан, чи саҳро, Чу дида во карам, ҷуз ту навинам.
Азизон, мо гирифтори ду дардем,
Азизон, мо гирифтори ду дардем, Яке баднақшию дигар, ки фардем. Насиби мо набу, ки мо та винем, Ҷамолат як назар нодида мурдем.
Зи ҳоли хештан му бехабар бим,
Зи ҳоли хештан му бехабар бим, Назунам дар сафар ё дар ҳазар бим. Фиғон аз дасти ту, эй бемурувват, Ҳамезунам, ки умре дарбадар бим.
Шавон исторагон як-як шуморам,
Шавон исторагон як-як шуморам, Бува нимашавон гӯш во та дорам. Пас аз нимашавон, ки то наёӣ, Бурони ашк аз дида биборам.
Назунӣ, эй фалак, ки мустамандам,
Назунӣ, эй фалак, ки мустамандам, Во му пур бад макан, ки дардмандам. Ба як гардиш, ки мегардӣ, бибинӣ, Чу ришта му ба сомонат бибандам.
Фалак кай бишнавад оҳу фиғонам,
Фалак кай бишнавад оҳу фиғонам, Ба ҳар гардиш занад оташ ба ҷонам. Як умре бигзаронам бо ғаму дард, Ба коми дил нагардад осмонам.
Ба дил дарди ғамат боқӣ ҳанӯзам,
Ба дил дарди ғамат боқӣ ҳанӯзам, Касе воқиф набу аз дарди сӯзам. Набу як булбули сӯта ба гулшан, Ба сӯзи му набу кофар ба рӯзам.
Аз он дилхаставу синафигорам,
Аз он дилхаставу синафигорам, Ки гирён дар таҳи санги мазорам. Бивоҷандам, ки та шӯре надорӣ, Саропо шӯр дорам, шар надорам.
Ба шав маҳви рухи маҳпора ҳастам,
Ба шав маҳви рухи маҳпора ҳастам, Ба рӯз аз дарду ғам бечора ҳастам. Ту дорӣ дар макони худ қароре, Муям, ки дар ҷаҳон овора ҳастам.
Аз он ангуштнамои рӯзгорам,
Аз он ангуштнамои рӯзгорам, Ки дур афтода аз ёру диёрам. Назунам қасди ҷон кардам ба ноҳақ, Ба ҷуз бар сар задан чора надорам.
Бура, як дам бинолему бисӯҷем,
Бура, як дам бинолему бисӯҷем, Аз он рӯе, ки ҳар ду тирарӯҷем. Та, булбул, ҳошалиллаҳ мисли мунӣ, Набу ҷуз дарду ғам як умр рӯҷем.
Ба оҳе гунбади хазро бисӯҷам,
Ба оҳе гунбади хазро бисӯҷам, Фалакро ҷумла сар то по бисӯҷам. Бисӯҷам, ар на корамро бисоҷӣ, Чӣ фармоӣ: Бисоҷӣ ё бисӯҷам?
Агар чашмам бидӯзӣ, дӯта хоҳам,
Агар чашмам бидӯзӣ, дӯта хоҳам, В-агар ҷисмам бисӯҷӣ, сӯта хоҳам. Агар боғам барӣ, бар чидани гул, Гули ҳамрангу ҳамбӯи та хоҳам.
Сари кӯҳи баланд чандон нишинам,
Сари кӯҳи баланд чандон нишинам, Ки лола сар дарора, му бичинам. Чу лола бевафо бу, бевафо бу, Нигори бевафо му чун гузинам?
Му аз ҷаври бутон дил реш дирам,
Му аз ҷаври бутон дил реш дирам, Зи лола доғ бар дил беш дирам. Чу фардо номахонон нома хонанд, Му аз хиҷлат саре дар пеш дирам.
Му, ки афсурдаҳолам, чун нанолам,
Му, ки афсурдаҳолам, чун нанолам, Шикаста парру болам, чун нанолам? Ҳама гӯян: Фалонӣ, нола кам кун, Та оӣ дар хаёлам, чун нанолам?
Дилам дур асту аҳволаш назунам,
Дилам дур асту аҳволаш назунам, Касе хоҳад, ки пайғомаш расунам. Худовандо, зи маргам мӯҳлате деҳ, Ки дидоре ба дидораш расунам.