Шеърҳо бо теги: андешавӣ
Шеърҳои марбут ба теги «андешавӣ» дар сомонаи «Шоирон».
Мураттабкунӣ: навтарин аввал
Дареғо, модари пирам, дареғо
Дареғо, модари пирам, дареғо, Чароғи бахту тақдирам, дареғо. Ту будӣ бар сарам, будам фалакгир, Кунун бе ту замингирам, дареғо.
Куҷоӣ, модари ҷонпарвари ман
Куҷоӣ, модари ҷонпарвари ман, Худои умри ман, пайғамбари ман. Сарам дар бистари марг аст имрӯз Биё аз гӯру биншин бар сари ман.
Бигзашт ҷавониям ба афсонаи дил
Бигзашт ҷавониям ба афсонаи дил, Ман мондаму дард монду вайронаи дил.
То пасту баланди зиндагонӣ бошад
То пасту баланди зиндагонӣ бошад, Лағжидани мард ногаҳонӣ бошад.
Ҳарчанд чораи дили бечораи манӣ
Ҳарчанд чораи дили бечораи манӣ, Тасвири нотамоми ман - ангораи манӣ.
Шабе, ки охирин ҳарфи ҷудоӣ қотили ман буд
Шабе, ки охирин ҳарфи ҷудоӣ қотили ман буд, Чароғи хонаат ҳам мурда монанди дили ман буд.
Диламро дар кафат додам, надидӣ
Диламро дар кафат додам, надидӣ, Гулистон ҳадяат кардам, начидӣ. Пас аз он, ки баҳори ман хазон шуд, Чу бод андар хазони ман вазидӣ.
Паси дунё давидему давидем
Паси дунё давидему давидем, Ғами дунё кашидему кашидем. Ба поёни раҳи сарманзили умр Ба гӯристон расидему расидем.
Куҷоӣ, ёри деринам, куҷоӣ
Куҷоӣ, ёри деринам, куҷоӣ? Куҷоӣ, Моҳу Парвинам, куҷоӣ? Туро гум карда будам рӯзи равшан, Кунун дар хоб мебинам, куҷоӣ?
Агар бишкаст оҳан ё ки фӯлод
Агар бишкаст оҳан ё ки фӯлод, Нагӯям эй дареғ, эй вой, эй дод! Валекин аз хиёнатҳои ёрон Диле чун бишканад, фарёду фарёд!
Дӯст он бошад, ки гирад дасти дӯст
Дӯст он бошад, ки гирад дасти дӯст, Дар парешонҳолию дармондагӣ!
Чу инсонро набошад фазлу эҳсон
Чу инсонро набошад фазлу эҳсон, Чӣ фарқ аз одамӣ то нақши девор.
Дӯст машмор он ки дар неъмат занад,
Дӯст машмор он ки дар неъмат занад, Лофи ёрию бародархондагӣ.
Хоҳарам боиффату мастур бош
Хоҳарам боиффату мастур бош, Аз масири бадсириштон дӯр бош. Дар сарои донишу фарҳангу ҳуш, Чун чароғ андар шаби торик бош.
Роз аз ҳама нокасон ниҳон бояд дошт
Роз аз ҳама нокасон ниҳон бояд дошт, В-асрор ниҳон зи аблаҳон бояд дошт. Бингар, ки чӣ мекунӣ ту бо халқи худой, Чашм аз ҳама мардумон ҳамон бояд дошт.
Давре, ки дар у омадану рафтани мост
Давре, ки дар ӯ омадану рафтани мост, Онро на бидоят на ниҳоят пайдост, Касс ҳеҷ нагуфта андар ин маънӣ рост, К-ин омадан аз куҷову рафтан ба куҷо.
Дунё на мақоместу на ҷои нишаст
Дунё на мақоместу на ҷои нишаст, Фарзона дар ӯ хароб авлотару маст, Бар оташи ғам зи бода обе мезан, З-он пеш, ки дар хок равӣ бод ба даст.
Андеша макун, ки матраҳат хоҳам кард
Андеша макун, ки матраҳат хоҳам кард, Якбора зи мақсад огаҳат хоҳам кард. Бисёр дарози бад кашидӣ худро, Эй ӯ-и дароз кутаҳат хоҳам кард.
ақте, ки гӯшна будам, як бурда нон надоданд
ақте, ки гӯшна будам, як бурда нон надоданд, Ҳоло ба вақти сери нондеҳакон зиёданд. Вақте, ки хоб будам, дар кӯчаҳо надиданд, Ҳоло, ки қаср дорам, сад дар ба ма
Оқил ба чи умед дар ин қуҳнасаро
Оқил ба чи умед дар ин қуҳнасаро. Бар давлати у ниҳад дил аз баҳри Худо? Ҳар гоҳ ки хоҳад, нишинанд бар ҷой, Гирад аҷалаш даст, ки бархез ба по.
Онон, ки муҳити фазлу одоб шуданд
Онон, ки муҳити фазлу одоб шуданд, Дар кашфи улум шамъи асҳоб шуданд. Раҳ з-ин шаби торик набурданд бурун, Гуфтанд фасонаеву дар хоб шуданд.
Эй чархи фалак харобӣ аз кинаи туст
Эй чархи фалак харобӣ аз кинаи туст, Бедодгарӣ шеваи деринаи туст. Эй хок агар синаи тӯ бишкофанд Бас гавҳари қиммате, ки дар синаи туст.
Ҳарчанд, ки рангу рӯи зебост маро
Ҳарчанд, ки рангу рӯи зебост маро, Чун лола руху чу сари балост маро. Маълум нашуд, ки дар тарабхонаи хок Наққоши азал баҳри чӣ орост маро.
То чанд асири рангу бӯ хоҳӣ шуд
То чанд асири рангу бӯ хоҳӣ шуд? Чанд аз паи ҳар зишту накӯ хоҳӣ шуд? Гар чашмаи Замзамиву гар оби ҳаёт, Охир ба дили хок фурӯ хоҳӣ шуд.
Бингap, зи caбo дoмaни гyл чoк шyдa
Бингap, зи caбo дoмaни гyл чoк шyдa, Бyлбyл зи ҷaмoли гyл тapaбнoк шyдa. Дap coяи гyл нишин, ки биcёp ин гyл, Аз xoк бapoмaдacтy бap xoк шyдa.