Шеърҳо бо теги: рубоӣ
Шеърҳои марбут ба теги «рубоӣ» дар сомонаи «Шоирон».
Мураттабкунӣ: навтарин аввал
Эй дар ту аёнҳову ниҳонҳо ҳама ҳеч,
Эй дар ту аёнҳову ниҳонҳо ҳама ҳеч, Пиндору яқинҳову гумонҳо ҳама ҳеч. Аз зоти ту мутлақо нишон натвон дод, К-он ҷо ки туӣ, бувад нишонҳо ҳама ҳеч.
Эй қиблаи ҳар кӣ, муқбил, омад кӯят,
Эй қиблаи ҳар кӣ, муқбил, омад кӯят, Рӯи дили муқбилони олам сӯят. Имрӯз касе аз ту бигардонад рӯй, Фардо ба кадом рӯ бибинад рӯят?
Дӣ зулфи абирбези анбарсоят
Дӣ зулфи абирбези анбарсоят Аз тарфи буногӯши сумансимоят Дар пои ту афтоду ба зорӣ мегуфт: Сар то поям фидои сар то поят.
Сад шукр, ки гулшани сафо гашт танат,
Сад шукр, ки гулшани сафо гашт танат, Сиҳҳат гули ишқ рехт дар пираҳанат. Табро ба ғалат дар танат афтод гузор, Он таб арақе шуду чакид аз баданат.
Ёр омаду гуфт: Хаста медор дилат,
Ёр омаду гуфт: Хаста медор дилат, Доим ба умед баста медор дилат. Моро ба шикастагон назарҳо бошад, Моро хоҳӣ, шикаста медор дилат.
Он дил, ки ту дидаӣ, зи ғам хун шуду рафт,
Он дил, ки ту дидаӣ, зи ғам хун шуду рафт, В-аз дидаи хунгирифта берун шуду рафт. Рӯзе ба ҳавои ишқ сайре мекард, Лайлисифате бидуду Маҷнун шуду рафт.
Онӣ, ки зи ҷонам орзуи ту нарафт,
Онӣ, ки зи ҷонам орзуи ту нарафт, Аз дил ҳаваси рӯи накӯи ту нарафт. Аз кӯи ту ҳар кӣ рафт, дилро бигузошт, Кас бо дили хештан зи кӯи ту нарафт.
Аз боди сабо дилам чу бӯи ту гирифт,
Аз боди сабо дилам чу бӯи ту гирифт, Бигзошт марову ҷустуҷӯи ту гирифт. Акнун зи манаш ҳеч намеояд ёд, Бӯи ту гирифта буд, хӯи ту гирифт.
Осон-осон зи худ амон натвон ёфт,
Осон-осон зи худ амон натвон ёфт, В-ин шарбати шавқ ройгон натвон ёфт. З-он май, ки азизи ҷони муштоқон аст, Як ҷуръа ба сад ҳазор ҷон натвон ёфт.
Сирри сухани дӯст намеёрам гуфт,
Сирри сухани дӯст намеёрам гуфт, Дуррест гаронбаҳо, намеёрам суфт. Тарсам, ки ба хоб-дар бигӯям ба касе, Шабҳост, к-аз ин бим намеёрам хуфт.
Рӯзам ба ғами ҷаҳони фарсуда гузашт,
Рӯзам ба ғами ҷаҳони фарсуда гузашт, Шаб дар ҳаваси будаву нобуда гузашт. Умре, ки аз ӯ даме ҷаҳоне арзад, Алқисса, ба фикрҳои беҳуда гузашт.
Афсӯс, ки айёми ҷавонӣ бигузашт,
Афсӯс, ки айёми ҷавонӣ бигузашт, Даврони нишоту комронӣ бигузашт. Ташна ба канори ҷӯй чандон хуфтам, К-аз ҷӯи ман оби зиндагонӣ бигузашт.
Аз аҳли замона ор мебояд дошт,
Аз аҳли замона ор мебояд дошт, В-аз сӯҳбаташон канор мебояд дошт. Аз пеши касе кори касе накшояд, Уммед ба кирдгор мебояд дошт.
Симобӣ шуд ҳавову зангорӣ дашт,
Симобӣ шуд ҳавову зангорӣ дашт, Эй дӯст, биёву бигзар, аз ҳар чӣ гузашт. Гар майли вафо дорӣ, инак дилу ҷон, В-ар рои ҷафо дорӣ, инак сару ташт.
Эй дида, назар кун, агарат биноист,
Эй дида, назар кун, агарат биноист, Дар кори ҷаҳон, ки сар ба сар савдоест. Дар гӯшаи хилвату қаноат бинишин, Танҳо хӯ кун, ки оқибат танҳоист.
Габрест дар ин раҳам, ки пинҳонӣ нест,
Габрест дар ин раҳам, ки пинҳонӣ нест, Бардоштани сарам ба осонӣ нест. Имон-ш ҳазор дафъа талқин кардам, Ин кофирро сари мусулмонӣ нест.
Сар то сари Дашти Ховар санге нест,
Сар то сари Дашти Ховар санге нест, К-аз хуни дилу дида бар он ранге нест. Дар ҳеч диёру ҳеч фарсанге нест, К-аз дасти ғамат нишаста дилтанге нест.
Ҷоно, ба замини Ховарон хоре нест,
Ҷоно, ба замини Ховарон хоре нест, К-аш бо ману рӯзгори ман коре нест. Бо лутфу навозиши ҷамоли ту маро Дар додани сад ҳазор ҷон оре нест.
Аз дард нишон мадеҳ, ки дар ҷони ту нест,
Аз дард нишон мадеҳ, ки дар ҷони ту нест, Бигзар зи вилояте, ки он з-они ту нест. Аз бехирадӣ бувад, ки бо ҷавҳариён Лоф аз гуҳаре занӣ, ки дар кони ту нест.
Ҳаргиз аламе чу фурқати ҷонон нест,
Ҳаргиз аламе чу фурқати ҷонон нест, Дарде батар аз воқиаи ҳиҷрон нест. Гар тарки видоъ кардаам, маъзурам, Ту ҷони манӣ, видоъи ҷон осон нест.
Гуфтори накӯ дораму кирдорам нест,
Гуфтори накӯ дораму кирдорам нест, Аз гуфти накӯи беамал орам нест. Душвор бувад кардану гуфтан осон, Осон бисёру ҳеч душворам нест.
Афсӯс, ки кас бохабар аз дардам нест,
Афсӯс, ки кас бохабар аз дардам нест, Огоҳ зи ҳоли чеҳраи зардам нест. Эй дӯст, барои дӯстиҳо, ки марост, Дарёб, ки то дарнигарӣ, гардам нест.
Дар кишвари ишқ ҷои осоиш нест,
Дар кишвари ишқ ҷои осоиш нест, Он ҷо ҳама коҳиш аст, афзоиш нест. Бе дарду алам таваққуъи дармон нест, Бе ҷурму гунаҳ умеди бахшоиш нест.
Дар сина касе, ки рози пинҳонаш нест,
Дар сина касе, ки рози пинҳонаш нест, Чун зинда намояд ӯ, вале ҷонаш нест. Рав, дард талаб, ки иллатат бедардист, Дардест, ки ҳеч гуна дармонаш нест.
Дардо, ки дар ин сӯзу гудозам кас нест,
Дардо, ки дар ин сӯзу гудозам кас нест, Ҳамроҳ дар ин роҳи дарозам кас нест. Дар қаъри дилам ҷавоҳири роз басест, Аммо чӣ кунам, маҳрами розам кас нест.