Шеърҳо бо теги: андешавӣ
Шеърҳои марбут ба теги «андешавӣ» дар сомонаи «Шоирон».
Мураттабкунӣ: навтарин аввал
Эй он, ки дафтари мо дидӣ пур аз ҳавошӣ
Эй он, ки дафтари мо дидӣ пур аз ҳавошӣ, Донам, ки бо дили худ, гуфтӣ чиҳост инҳо? Бисёр дида бошӣ хошок бар лаби баҳр, Аз баҳри шеъри мо ҳам хошокҳост инҳо.
Ало, эй сӯфии макшуфботин
Ало, эй сӯфии макшуфботин, Ки бинмоӣ раҳ арбоби вараъро! Ба ботин сурати фақри дуогӯй Чу бинӣ, қатъ кун аз ман тамаъро!
Агар Зуҳра шунидӣ бонги чангат
Агар Зуҳра шунидӣ бонги чангат, Рубобу барбати худ бо ту медод В-агар будӣ найе, бар расми туҳфа Ба нохунҳои ту най мефиристод.
Аз китобат машав, Ҷалол, малӯл
Аз китобат машав, Ҷалол, малӯл, Қалами коҳилӣ ба хат даркаш! Сухани холи худ навис, ки ҳаст Сухани холу хат навиштан х(в)аш.
Аз ҷаноби Рафеъи Довудӣ
Аз ҷаноби Рафеъи Довудӣ, Ки Сулаймонаш остон бӯсид, Ба тариқи муомила сӯи шайх Муддате шуд, ки туҳфае нарасид.
Овози ҳазини Сӯзаниро
Овози ҳазини Сӯзаниро Машнав, ки кунанд айби бисёр. Хушк аст ҳамину тезу борик, Чун сӯзани хорҳои девор.
Он к-аз камоли сидқи сафои даруни ӯ
Он к-аз камоли сидқи сафои даруни ӯ Ҳар сӯфпӯш сӯфии софисифот шуд, Илми тасаввуф он ки аз ӯ иктисоб кард, Восил ба Ҳақ чу Хизр ба оби ҳаёт шуд.
Он хушписар, ки бурданд дар мактаби "Низом"-аш
Он хушписар, ки бурданд дар мактаби "Низом"-аш, Муштоқи ӯст, аз ҷон дорад варо гиромӣ. Симинзақан нигоре девони шайх дар даст, Ё Раб, нигоҳ дораш аз "Хамса"-и Н
Ба Амъонии Табрезӣ яке гуфт
Ба Амъонии Табрезӣ яке гуфт, Чу аз шавқи бародар шаб намехуфт, Ки чун дар гил бимондӣ з-иштиёқаш, Чӣ гуна мекашӣ бори фироқаш?
Бо он ки туро сари мусалмонӣ нест
Бо он ки туро сари мусалмонӣ нест, Ё буду кунун нест ҳамон маҳбубӣ.
Чун барафшонд он парирӯ турраро
Чун барафшонд он парирӯ турраро, Дил баровард аз даруни турра сар.
Дастрас ёфтам ба қомати дӯст
Дастрас ёфтам ба қомати дӯст, Ба сари сарв дасти ман чу расид.
Шабе кардам ниёзи пойбӯсаш
Шабе кардам ниёзи пойбӯсаш, Зи ногоҳ пои ӯ дидам ба пое.
Гӯям ба ту номи он шакарлаб
Гӯям ба ту номи он шакарлаб, Ширинтар аз ин чӣ кор бошад? Хурмо бигузину бифкан аз вай Чизе, ки миёни хор бошад.
Номи ӯ нонавишта бархондам
Номи ӯ нонавишта бархондам, Чу ниҳодам сари қалам бар ном.
Лаби чун қанди ӯ муқаррар кун
Лаби чун қанди ӯ муқаррар кун, То ба дил номи ӯ фуруд ояд.
Ин такаллуфҳои ман дар шеъри ман
Ин такаллуфҳои ман дар шеъри ман, «Калламини ё ҳумайро»-и ман аст.
Турки оҳучашмам, эй оҳуи чашмат шергир
Турки оҳучашмам, эй оҳуи чашмат шергир, Сайди оҳуи туам, бар сайди худ оҳу магир!
Чу аз рух х(в)ай ба доман пок созӣ
Чу аз рух х(в)ай ба доман пок созӣ, Шавад покизатар он домани пок.
Хунбаҳои куштагон хоки ҳамон кӯясту бас
Хунбаҳои куштагон хоки ҳамон кӯясту бас, Ҷуз ғубори Карбало беш аст дар ваҷҳи Ҳасан.
Зи чист қаҳқаҳаи шишаҳои май, донӣ?
Зи чист қаҳқаҳаи шишаҳои май, донӣ? Ба риши муҳтасиби шаҳр мекунад ханда.
Оқибат Ассори мискин мурду рафт
Оқибат Ассори мискин мурду рафт, Хуни девонҳо ба гардан бурду рафт.
Гирифтам остини дӯст, он ҷо дасти худ дидам
Гирифтам остини дӯст, он ҷо дасти худ дидам, Чунонаш даст бӯсидам, ки дасти хеш бӯсидам.
Мехурӯшад баҳру мегӯяд ба овози баланд
Мехурӯшад баҳру мегӯяд ба овози баланд: Ҳар кӣ дар мо ғарқ гардад, оқибат ҳам мо шавад.
Номаи шавқи ман, эй котиб, надорад мақтаъе
Номаи шавқи ман, эй котиб, надорад мақтаъе, Баъд аз ин бинвис дигар номаҳоро «Вассалом!»