Шеърҳо бо теги: рубоӣ
Шеърҳои марбут ба теги «рубоӣ» дар сомонаи «Шоирон».
Мураттабкунӣ: навтарин аввал
Хазонрезу хазонрезу хазонрез
Хазонрезу хазонрезу хазонрез, Чаро умри ҷавонӣ бигзарад тез? Чаро одам надонад қимати умр? Чаро ночиз гардад аз паи чиз?
Баъд аз сари ман ҷаҳон чӣ сон хоҳад буд?
Баъд аз сари ман ҷаҳон чӣ сон хоҳад буд? Баъд аз сари ман ҷаҳон ҳамон хоҳад буд. Чашмони ҳазини ман зи ҳар мисраи ман Бар чашми накӯён нигарон хоҳад буд.
Имшаб ки дар ин базм ҳама якҷоем
Имшаб ки дар ин базм ҳама якҷоем, Аз суҳбати ҳамдигар даме осоем. Ҷамъияти ин базм ғанимат шумарем, То боз кӣ донад, ки куҷо ҷамъ оем?
Дардову шигифто, аҷали масхарабоз
Дардову шигифто, аҷали масхарабоз, Фарқияти мурдагон намебинад соз, Сад зиндадиле бимираду хок шавад, Дилмурда бурун зи хок мемонад боз.
Рӯзе, ки ба дил муҳаббат оғоз кунӣ
Рӯзе, ки ба дил муҳаббат оғоз кунӣ, Бе болу паре ба арш парвоз кунӣ. Дар роҳи нишеби умр шав сарафроз, Пул нест ҷавонӣ, ки пасандоз кунӣ.
То ном физоӣ, нафси худро кам кун
То ном физоӣ, нафси худро кам кун, Одамгарӣ кун, валек бо одам кун. Мегуфт даравгаре ба ман вақти дарав: Чун хӯшаи гандум ба замин сар хам кун.
Ӯ кист ҷавон асту ҷавонӣ накунад?
Ӯ кист ҷавон асту ҷавонӣ накунад? Бо ҳусни ҷавонӣ дилситонӣ накунад? Ҳар кӣ зи хушиҳои ҷавонӣ дур аст, Беҳтар бувадо, ки зиндагонӣ накунад.
Умр аст дарахту мева шодию ғамаш
Умр аст дарахту мева шодию ғамаш, Эй сода, чӣ парво кунӣ бар бешу камаш? Он сон ки бихоҳӣ, ончунон зиндагӣ кун, Бар дил набарӣ то ҳама доғу аламаш.
Бе ту дили ман барои ман зиндон аст,
Бе ту дили ман барои ман зиндон аст, Бе ту сари ман чун ду ҷави арзон аст. Ман зинда ҳанӯз, лек бе будани ту Ин хонаи холӣ ҳамчу гӯристон аст.
Эй дида ҷаҳон, ҷаҳон надидаст туро
Эй дида ҷаҳон, ҷаҳон надидаст туро, Гул чидӣ, вале гуле начидаст туро. Ин қадр ба шуҳрати хато шод мабош, Наққоши замон хато кашидаст туро.
Дарёи дилам мавҷзанон мегузарад
Дарёи дилам мавҷзанон мегузарад, Аз байни ду соҳили замон мегузарад. Дарёи ту гар ба сӯи баҳре биравад, Дарёи ман аз баҳри ҷаҳон мегузарад.
Ман ҷамъ кунам, туаш парешон созӣ
Ман ҷамъ кунам, туаш парешон созӣ, Обод кунам, ту боз вайрон созӣ. Бо ин ҳама бозию фиребу найранг, Эй умр, зи ман чӣ гуна инсон созӣ?
Биё, эй дӯст, қадри ҳам бидонем
Биё, эй дӯст, қадри ҳам бидонем, Ки ҳоло навхату шӯху ҷавонем. Ҷавонӣ чун ниҳоли гул набошад, Ки онро ҳар баҳор аз нав нишонем.
Баъд аз сари ман ҷаҳон чӣ сон хоҳад буд?
Баъд аз сари ман ҷаҳон чӣ сон хоҳад буд? Баъд аз сари ман ҷаҳон ҳамон хоҳад буд. Чашмони ҳазини ман зи ҳар мисраи ман, Бар чашми накӯён нигарон хоҳад буд.
Баъди чанде, ки басо об зи сарҳо гузарад
Баъди чанде, ки басо об зи сарҳо гузарад, Баҳри ту хотирае беш нахоҳам будан. Гар аз он манзараҳо гоҳ-гаҳе ёд кунӣ, Пораи манзарае беш нахоҳам будан.
Маро дар рӯи дунё манзиле буд
Маро дар рӯи дунё манзиле буд, Маро аз кишти дунё ҳосиле буд. Ба дарё мезанам дил, то бидонад, Ки андар соҳилаш дарёдиле буд.
Гаҳе на ёди хурду хоб кардем
Гаҳе на ёди хурду хоб кардем, Ки то рози диле дарёб кардем. Барои ташнагони зиндагонӣ Дили худро шабу рӯз об кардем.
Сармаст зи бодаи ҳавову ҳавасем
Сармаст зи бодаи ҳавову ҳавасем, Маҳруми якеву бо дигар ҳамнафасем. Имрӯз гузашту мо напурсем чӣ буд, Бар қадри ҷавонӣ вақти пирӣ бирасем.
Як мушт зи хоки модари хушназарам
Як мушт зи хоки модари хушназарам, Мушти дигаре зи хоки поки падарам Чун ҳадяи вопасинашон бар фарзанд Резед ба гӯри ман, чу ман даргузарам.
Ватан
Ёрон ҳама ҷо, вале Ватан дар як ҷост, Ҳар санги Ватан мисоли ҳайкал зебост, Олам ҳама ҷо азиз, лекин бар ман Модар яктост, Тоҷикистон яктост.
Бар мадфани модарам чу гул бигзорам
Бар мадфани модарам чу гул бигзорам, Ман мӯи сафеди хешро бишморам. Чун панҷаи хуршед сарам бинвозад, Аз панҷаи нарми модарам ёд орам.
Касе гул кошт, бояд гул бичинад
Касе гул кошт, бояд гул бичинад, Касе хун рехт андар хун нишинад. Чунин пастӣ, ки дар Боми ҷаҳон буд, Худоё, душмани тоҷик набинад.
Дуруд, эй миллати озурдаи ман
Дуруд, эй миллати озурдаи ман, Зи таъриху зи худ ғамхурдаи ман. Нахоҳам гуфт пеш аз мурдани дил: Видоъ, эй миллати дилмурдаи ман...
Ку дӯст
Ку дӯст, ки қадри ёри ҳамдам донад, Ку ғамзадае, ки қимати ғам донад, Одам зи куҷост, хоки одам зи куҷост, Одам бошад, ки қадри одам донад
Каломи тоҷик
Каломи тоҷик аз дилҳо садо кард, Зи ҳар баргаш ҳазорон маънӣ овард. Биё, эй ҳамватан, қадраш бидонем, Ки ин мерос моро сарбаланд кард.