Шеърҳо бо теги: зебогӣ
Шеърҳои марбут ба теги «зебогӣ» дар сомонаи «Шоирон».
Шаҳри азизам
Шаҳри ман, кишвари ман, дилбари ман, Наравад ишқи ту дур аз сари ман. Ман зи айёми ҷавонӣ ба барат Ёфтам нашъунамо чун писарат.
Зи ишқат оташе дар бӯта дирам,
Зи ишқат оташе дар бӯта дорам, Дар он оташ дилу ҷон сӯта дорам. Сагат гар по ниҳад бар чашм, эй дӯст, Ба мижгон хоки роҳаш рӯта дорам.
Азизун, аз ғаму дарди ҷудоӣ,
Азизун, аз ғаму дарди ҷудоӣ, Ба чашмонам намонда рӯшноӣ. Гирифторам ба доми ғурбату дард, На ёру ҳамдаме, на ошное.
Нигори тозахези му, куҷоӣ,
Нигори тозахези му, куҷоӣ, Ба чашмон сурмарези му, куҷоӣ. Нафас бар синаи Тоҳир расида, Дами мурдан, азизи му, куҷоӣ?
Дил аз дасти ғамат зеру забар бӣ,
Дил аз дасти ғамат зеру забар бӣ, Ду чашмонам пур аз хуни чигар бӣ. Ҳар он ёри азизаш нозвар бӣ, Дилаш пурғусса, ҷонаш пуршарар бӣ.
Саҳаргоҳон, ки булбул бар гул оӣ,
Саҳаргоҳон, ки булбул бар гул оӣ, Ашки чашмам ба домон гул-гул оӣ. Равам, дар пои гул афғон карам сар, Ки ҳар сӯтадиле дар ғулғул оӣ.
Зи дил берун ба бахтам нола н-оӣ,
Зи дил берун ба бахтам нола н-оӣ, Зи мижгуни тари му жола н-оӣ. Шаве н-оя, ки му хобат бувинам, Ба бахти му ба чашмам лола н-оӣ.
Дури ашкам ба домон рета авло,
Дури ашкам ба домон рета авло, Хуни дилам зи чашмон рета авло. Ба кас ҳарфе зи ҷаврат вонавоҷам, Ки ҳарфи ҷавр пинҳон рета авло.
Занам аз баҳри ёре гиҷу виҷе,
Занам аз баҳри ёре гиҷу виҷе, Шавонам ов аз чашмон биреҷӣ. Ҳар кӣ рози дилаш воҷа ба мардум, Ё аз девонагӣ бу, ё зи гиҷӣ.
Напиндорӣ, ки бустон хуштарам бӣ,
Напиндорӣ, ки бустон хуштарам бӣ, Сарам бу гӯи майдон, хуштарам бӣ. Чу гулхан тору торика ба чашмам, Гулистон бе та зиндон хуштарам бӣ.
Чу шав бе, ту сарам бар болиш оӣ,
Чу шав бе, ту сарам бар болиш оӣ, Чу най аз устухонам нолиш оӣ. Шави ҳиҷрун ба ҷои ашкам аз чашм Ба мижгон шӯълаҳои оташ оӣ.
Ба дарёи ғамат дил ғӯтавар бӣ,
Ба дарёи ғамат дил ғӯтавар бӣ, Маро доғи фироқат бар ҷигар бӣ. Ба чашмам қатраҳои ашки хунин, Ту гӯӣ, лолаи боғи назар бӣ.
Зи шӯрангезии чарху фалак бӣ,
Зи шӯрангезии чарху фалак бӣ, Ки доим дидаи му пурнамак бӣ. Дамодам дуди оҳам бар само бӣ, Паёпай ашки чашмам бар самак бӣ.
Хуроин чеҳраат афрӯтатар бӣ,
Хуроин чеҳраат афрӯтатар бӣ, Ба ҷунам тири ишқат дӯтатар бӣ, Зи чӣ холи рухат, дунӣ, сиёҳа? Ҳар он наздики хур бӣ, сӯтатар бӣ.
Муро на фикри савдое, на суде,
Муро на фикри савдое, на суде, На дар дил фикри беҳбуде, на буде. Нахоҳам ҷӯканору чашмасорун, Ки ҳар чашмам ҳазорун Зиндарӯде.
Ду чашмунат пиёлай пур зи май бӣ,
Ду чашмунат пиёлай пур зи май бӣ, Ду зулфонат хироҷи мулки Рай бӣ. Ҳаме ваъда карӣ имрӯзу фардо, Надонам му, ки фардои ту кай бӣ.
Та, ки нозандаболо, дилрабоӣ,
Та, ки нозандаболо, дилрабоӣ, Та, ки бе сурма чашмон сурмасоӣ. Та, ки мушкин ду гесӯ дар қафоӣ, Ба му воҷӣ, ки саргардон чароӣ.
Мусалсал зулф бар рӯ рета дорӣ,
Мусалсал зулф бар рӯ рета дорӣ, Гулу сунбул ба ҳам омета дорӣ. Парешон чун карӣ он тори зулфон, Ба ҳар торе диле овета дорӣ.
Бало бӣ дил, Худоё, дил бало бӣ,
Бало бӣ дил, Худоё, дил бало бӣ, Гунаҳ чашмон кару дил мубтало бӣ. Агар чашмон накардӣ дидабонӣ, Чӣ донистӣ дилам, хубон куҷо бӣ?
Зи бас меҳри рухат олам фирӯза,
Зи бас меҳри рухат олам фирӯза, Ҷаҳонро дил ба меҳрат сина сӯза. Фалакро шева доим инчунин буд, Ки ҳар ҷо чашми уммеде бидӯза.
Ду чашмамро та хунполо кунӣ, та,
Ду чашмамро та хунполо кунӣ, та, Кулоҳи ақлам аз сар во кунӣ та. Агар Лайлӣ бипурса ҳоли Маҷнун, Назар ӯро суи саҳро кунӣ та.
Сарам савдои гесӯи та дора,
Сарам савдои гесӯи та дора, Дилам меҳри маҳи рӯи та дора. Агар чашмам ба моҳи нав кара майл, Назар бар тоқи абрӯи та дора.
Ҳар он дилбар, ки чашми маст дора,
Ҳар он дилбар, ки чашми маст дора, Ҳазорон чун мане побаст дора. Миёни ошиқон он моҳсимо Чу шеъри ман баланду паст дора.
Дили ошиқ ба пайғоме бисоҷа,
Дили ошиқ ба пайғоме бисоҷа, Хуморолуда бо ҷоме бисоҷа. Маро кайфияти чашми ту кофист, Қаноатгар ба бодоме бисоҷа.
Зи ишқат оташе дар бӯта дирам,
Зи ишқат оташе дар бӯта дирам, Дар ун оташ дилу хун сӯта дирам. Сагат гар по ниҳад бар чашмам, эй дӯст, Ба мижгун хоки роҳаш рӯта дирам.