Шеърҳо бо теги: зебогӣ
Шеърҳои марбут ба теги «зебогӣ» дар сомонаи «Шоирон».
Мураттабкунӣ: навтарин аввал
Агар чашмам бидӯзӣ, дӯта хоҳам,
Агар чашмам бидӯзӣ, дӯта хоҳам, В-агар ҷисмам бисӯҷӣ, сӯта хоҳам. Агар боғам барӣ, бар чидани гул, Гули ҳамрангу ҳамбӯи та хоҳам.
Бе та болин сияҳмора ба чашмам,
Бе та болин сияҳмора ба чашмам, Бе та рӯзон шави тора ба чашмам. Бе та ҳар гаҳ шавам сайри гулистон, Гулистон сар ба сар хора ба чашмам.
Бе та гулшан чи зондона ба чашмам,
Бе та гулшан чи зондона ба чашмам, Гулистон озаристона ба чашмам. Бе та орому умру зиндагонӣ Ҳама хоби парешона ба чашмам.
Ду зулфонат бувад тори рубобам,
Ду зулфонат бувад тори рубобам, Чӣ мехоҳӣ аз ин ҳоли харобам? Та, ки бо му сари ёрӣ надорӣ, Чаро ҳар ними шав оӣ ба хобам?
Зи бӯи зулфи ту мафтунам, эй гул,
Зи бӯи зулфи ту мафтунам, эй гул, Зи ранги рӯи ту дилхунам, эй гул. Мани ошиқ зи ишқат беқарорам, Ту чун Лайлию ман Маҷнунам, эй гул.
Шави тор асту гургон мезанан меш,
Шави тор асту гургон мезанан меш, Ду зулфонат ҳамоил кун, бура пеш. Аз он кунҷи лабат бӯсе ба му деҳ, Бигӯ: Роҳи Худо додам ба дарвеш.
Ба рӯи моҳат, эй моҳи даҳу чор,
Ба рӯи моҳат, эй моҳи даҳу чор, Ба сарви қаддат, эй зебандарафтор. Ба ҷуз ишқат хаёле дар сарам не, Ба дайёре набу ҷуз та сару кор.
Ду чашмам дарди чашмуни ту чинод,
Ду чашмам дарди чашмуни ту чинод, Наво дарде ба чашмунат нишинод. Шунидам, рафтию ёре гирифтӣ, Агар гӯшам шуну, чашмам навинод.
Амон аз ахтари шӯридаи му,
Амон аз ахтари шӯридаи му, Фиғон аз бахти баргардидаи му. Зи ҳиҷронат ба ҷои ашкам аз чашм Зи мижгун шӯълаҳои оташ ояд.
Ба дил ёдам чу аз буму бар ояд,
Ба дил ёдам чу аз буму бар ояд, Сиришкам бехуд аз чашми тар ояд. Аз он тарсам мани баргаштадаврон, Ки умрам дар ғарибӣ бар сар ояд.
Намедунам, дилам девунаи кист,
Намедунам, дилам девунаи кист, Куҷо мегардаду дар хунаи кист. Намедунам, дили саргаштаи му Асири наргиси мастунаи кист.
Яке барзигаре нолун дар ин дашт
Яке барзигаре нолун дар ин дашт Ба чашми хунфишон олола мекишт. Ҳамекишту ҳамегуфт: Эй дареғо, Ки бояд киштану ҳиштан дар ин дашт.
Азизо, косаи чашмам сароят,
Азизо, косаи чашмам сароят, Миёни ҳар ду чашмам хоки поят. Аз он тарсам, ки ғофил по ниҳӣ боз, Нишинад хори мижгонам ба поят.
Гуфтам, ки чароӣ ту бад-ин зебоӣ?
Гуфтам, ки чароӣ ту бад-ин зебоӣ? Гуфто худро, ки ман худам яктое. Ҳам ишқаму ҳам ошиқу ҳам маъшуқам, Ҳам оинаи ҷамолу ҳам биноӣ.
Покию муназзаҳию беҳамтоӣ,
Покию муназзаҳию беҳамтоӣ, Касро нарасад мулк бад-ин зебоӣ. Халқон ҳама хуфтаанду дарҳо баста, Ё раб, ту дари лутф ба мо бикшоӣ.
Аз кибр мадор ҳеч дар дил ҳавасе,
Аз кибр мадор ҳеч дар дил ҳавасе, К-аз кибр ба ҷое нарасидаст касе. Чун зулфи бутон шикастагӣ одат кун, То сайд кунӣ ҳазор дил дар нафасе.
Дасте на, ки аз нахли ту чинам самаре,
Дасте на, ки аз нахли ту чинам самаре, Пое на, ки аз кӯи ту ёбам гузаре. Чашме на, ки бар хеш бигирям қадаре, Рӯе на, ки бар хок бинолам саҳаре.
Эй кош маро ба нафт олояндӣ,
Эй кош маро ба нафт олояндӣ, Оташ бизадандию набахшояндӣ. Дар чашми азизи ман намак сояндӣ, В-аз дӯст ҷудо шудан нафармояндӣ.
Дорам санаме, чеҳрабарафрӯхтае,
Дорам санаме, чеҳрабарафрӯхтае, В-аз хирмани даҳр дидабардӯхтае. Ӯ ошиқи дигарею ман ошиқи ӯ, Парвонасифат сӯхтае, сӯхтае.
Чашмам, ки сиришки лолагун оварда,
Чашмам, ки сиришки лолагун оварда, В-аз ҳар мижа қатраҳои хун оварда. Не, не, ба назораат дили хуншудаам Аз равзани сина сар бурун оварда.
Эй хокнишини даргаҳи қадри ту моҳ,
Эй хокнишини даргаҳи қадри ту моҳ, Дасти ҳавас аз домани васлат кӯтоҳ. Дар кӯи ту з-он хона гирифтам, ки мабод Озурда шавад хаёлат аз дурии роҳ.
Эй холиқи зулҷалол, в-эй раҳмон ту,
Эй холиқи зулҷалол, в-эй раҳмон ту, Сомондиҳи кори бесару сомон ту. Хасмони маро мутеъи ман мегардон, Бераҳмонро зи чашми ман гардон ту.
Шӯрида дилею ғусса гардун-гардун,
Шӯрида дилею ғусса гардун-гардун, Гирён чашмею ашк Ҷайҳун-Ҷайҳун. Коҳида танею шӯъла хирман-хирман, Ҳар шӯъла зи кӯҳи Қоф афзун-афзун.
Эй ишқ, ту мояи ҷунуни дили ман,
Эй ишқ, ту мояи ҷунуни дили ман, Ҳусни рухи ту рехта хуни дили ман. Ман донаму дил, ки дар висолат чунам, Касро чӣ хабар зи андаруни ман?
Эй зулфи мусалсалат балои дили ман,
Эй зулфи мусалсалат балои дили ман, В-эй лаъли лабат гираҳкушои дили ман. Ман дил надиҳам ба кас барои дили ту, Ту дил ба касе мадеҳ барои дили ман.