Шеърҳо бо теги: рубоӣ
Шеърҳои марбут ба теги «рубоӣ» дар сомонаи «Шоирон».
Мураттабкунӣ: навтарин аввал
Дар кори кас ар қарор мебояд, ҳаст,
Дар кори кас ар қарор мебояд, ҳаст, В-ин ёр, ки дар канор мебояд, ҳаст. Ҳаҷре, ки ба ҳеч кор менояд, нест, Васле, ки чу ҷон ба кор меояд, ҳаст.
Бар мо дари васл баста медорад дӯст,
Бар мо дари васл баста медорад дӯст, Дилро ба фироқ хаста медорад дӯст. Минбаъд ману шикастагии дари дӯст, Чун дӯст дили шикаста медорад дӯст.
Мо дил зи ғами ту хаста дорем, эй дӯст,
Мо дил зи ғами ту хаста дорем, эй дӯст, Аз ғайри ту дида баста дорем, эй дӯст. Гуфтӣ, ки ба дилшикастагон наздикам, Мо низ дили шикаста дорем, эй дӯст.
Ақраб сари зулфи ёру маҳ пайкари ӯст,
Ақраб сари зулфи ёру маҳ пайкари ӯст, Бо ин ҳама кибру ноз, к-андар сари ӯст, Шириндаҳанею шаҳд дар шаккари ӯст, Фармондиҳи рӯзгор фармонбари ӯст.
Ҳарчанд ки одамӣ малакасирату хӯст,
Ҳарчанд ки одамӣ малакасирату хӯст, Бад гар набувад ба душмани худ, некӯст. Девона дили касест, ки- ин одати ӯст, К-ӯ душмани ҷони хеш медорад дӯст.
Ишқ омаду шуд чу хунам андар рагу пӯст,
Ишқ омаду шуд чу хунам андар рагу пӯст, То кард маро тиҳию пур кард зи дӯст. Аҷзои вуҷудам ҳамагӣ дӯст гирифт, Номест зи ман бар ману боқӣ ҳама ӯст.
Чашме дорам, ҳама пур аз дидани дӯст,
Чашме дорам, ҳама пур аз дидани дӯст, Бо дида маро хуш аст, чун дӯст дар ӯст. Аз дида ду даст фарқ кардан натвон, Ё ӯст даруни дида, ё дида худ ӯст.
Эзид, ки ҷаҳон ба қабзаи қудрати ӯст,
Эзид, ки ҷаҳон ба қабзаи қудрати ӯст, Додаст туро ду чиз, к-он ҳар ду накӯст: Ҳам сирати он, ки дӯст дорӣ касро, Ҳам сурати он, ки кас туро дорад дӯст.
Эй дӯст, эй дӯст, эй дӯст,эй дӯст,
Эй дӯст, эй дӯст, эй дӯст,эй дӯст, Ҷаври ту аз он кашам, ки рӯи ту накӯст. Мардум гӯянд: Биҳишт хоҳӣ ё дӯст? Эй бехабарон, биҳишт бо дӯст накӯст.
Дар дард шаке нест, ки дармоне ҳаст,
Дар дард шаке нест, ки дармоне ҳаст, Бо ишқ яқин аст, ки ҷононе ҳаст. Аҳволи ҷаҳон чу дам ба дам мегардад, Шак нест дар ин ҳол, ки гардоне ҳаст.
Олам ба хурӯши ло илоҳ илло ҳуст,
Олам ба хурӯши ло илоҳ илло ҳуст, Оқил ба гумон, ки душман аст ин ё дӯст. Дарё ба вуҷуди хеш мавҷе дорад, Хас пиндорад, ки ин кашокаш бо ӯст.
Дунё ба масал чу кӯзаи заррин аст,
Дунё ба масал чу кӯзаи заррин аст, Гаҳ об дар ӯ талху гаҳе ширин аст. Ту ғарра машав, ки умри ман чандин аст, К-ин аспи аҷал мудом зери зин аст.
Дарде, ки зи ман ҷон биситонад, ин аст,
Дарде, ки зи ман ҷон биситонад, ин аст, Ишқе, ки касаш чора надонад, ин аст. Чашме, ки ҳамеша хун фишонад, ин аст, Он шаб, ки ба рӯзам нарасонад, ин аст.
Ишқи ту балои дили дарвеши ман аст,
Ишқи ту балои дили дарвеши ман аст, Бегона намешавад, магар хеши ман аст. Гуфтам, сафаре кунам, зи ғам бигрезам, Манзил-манзил ғами ту дар пеши ман аст.
Овози дар омад, бинигар, ёри ман аст,
Овози дар омад, бинигар, ёри ман аст, Ман худ донам, киро ғами кори ман аст. Сесад гули сурх бар рухи ёри ман аст, Хезам, бичинам, ки гул чидан кори ман аст.
Нардест ҷаҳон, ки бурданаш бохтан аст,
Нардест ҷаҳон, ки бурданаш бохтан аст, Нарродии ӯ ба нақши кам сохтан аст. Дунё ба масал чу каъбатайни нард аст, Бардоштанаш барои андохтан аст.
Дур аз ту фазои даҳр бар ман танг аст,
Дур аз ту фазои даҳр бар ман танг аст, Дорам дилаке, ки зери сад ман санг аст. Умрест, ки муддаташ замонро ор аст, Ҷонест, ки бурданаш аҷалро нанг аст.
Он шаб, ки маро зи васлат, эй маҳ, ранг аст,
Он шаб, ки маро зи васлат, эй маҳ, ранг аст, Болои шабам кӯтаҳу паҳно танг аст. В-он шаб, ки туро бо мани мискин ҷанг аст, Шаб кӯру хурӯс гунгу Парвин ланг аст.
Ганҷам чу гуҳар дар дили ганҷина шикаст,
Ганҷам чу гуҳар дар дили ганҷина шикаст, Розам ҳама дар синаи бекина шикаст. Ҳар шӯълаи орзу, ки аз ҷон бархост, Чун пораи обгина дар сина шикаст.
Гирям зи ғами ту зору гӯӣ зарқ аст,
Гирям зи ғами ту зору гӯӣ зарқ аст, Чун зарқ бувад, ки дида дар хун ғарқ аст. Ту пиндорӣ, ки ҳар диле чун дили туст, Не, не, санамо, миёни дилҳо фарқ аст.
Дил бар сари аҳди устувори хеш аст,
Дил бар сари аҳди устувори хеш аст, Ҷон дар ғами ту бар сари кори хеш аст. Аз дил ҳаваси ҳар ду ҷаҳонам бархост, Илло ғами ту, ки бар қарори хеш аст.
Роҳи ту ба ҳар равиш, ки пӯянд, хуш аст,
Роҳи ту ба ҳар равиш, ки пӯянд, хуш аст, Васли ту ба ҳар ҷиҳат, ки ҷӯянд, хуш аст. Рӯи ту ба ҳар дида, ки бинанд, накӯст, Номи ту ба ҳар забон, ки гӯянд, хуш ас
Гуфтӣ, ки фалон зи ёди мо хомӯш аст,
Гуфтӣ, ки фалон зи ёди мо хомӯш аст, Аз бодаи ишқи дигаре мадҳуш аст. Шармат бодо, ҳанӯз хоки дари ту Аз гармии хуни дили ман дар ҷӯш аст.
Сармояи умри одамӣ як нафас аст,
Сармояи умри одамӣ як нафас аст, Он як нафас аз барои як ҳамнафас аст. Бо ҳамнафасе гар нафасе биншинӣ, Маҷмӯи ҳаёти умр он як нафас аст.
Эй холиқи халқ, раҳнамое бифирист,
Эй холиқи халқ, раҳнамое бифирист, Бар бандаи бенаво навое бифирист. Кори мани бечора гираҳ дар гираҳ аст, Раҳме бикуну гираҳкушое бифирист.