Шеърҳо бо теги: рубоӣ
Шеърҳои марбут ба теги «рубоӣ» дар сомонаи «Шоирон».
Мураттабкунӣ: навтарин аввал
Дил ҷои ту шуд, вагарна пурхун кунамаш,
Дил ҷои ту шуд, вагарна пурхун кунамаш, Дар дида туӣ, вагарна Ҷайҳун кунамаш. Уммеди висоли туст ҷонро, в-арна Аз тан ба ҳазор ҳила берун кунамаш.
Чун шаб бирасад, зи субҳхезон мебош,
Чун шаб бирасад, зи субҳхезон мебош, Чун шом шавад, зи ашкрезон мебош. Овез дар он ки ногузир аст туро, В-аз ҳар чӣ хилофи ӯ, гурезон мебош.
Шоҳӣ талабӣ, бирав, гадои ҳама бош,
Шоҳӣ талабӣ, бирав, гадои ҳама бош, Бегона зи хешу ошнои ҳама бош. Хоҳӣ, ки туро чу тоҷ бар сар доранд, Дасти ҳама гиру хоки пои ҳама бош.
Гар қурби Худо металабӣ, дилҷӯ бош,
Гар қурби Худо металабӣ, дилҷӯ бош, В-андар пасу пеши халқ некӯгӯ бош. Хоҳӣ, ки чу субҳ содиқулқавл шавӣ, Хуршедсифат бо ҳама кас якрӯ бош.
Чун теша мабошу ҷумла бар худ матарош,
Чун теша мабошу ҷумла бар худ матарош, Чун ранда зи кори хеш бебаҳра мабош. Таълим зи арра гир дар амри маош, Ниме суи худ мекашу ниме мепош.
То дар назанӣ, баҳри чӣ дорӣ оташ,
То дар назанӣ, баҳри чӣ дорӣ оташ, Ҳаргиз нашавад ҳақиқати ҳоли ту х(в)аш. Андар як дил ду дӯстӣ н-ояд хуш, Моро хоҳӣ, хате ба олам даркаш.
Эй воқифи асрори замири ҳама кас,
Эй воқифи асрори замири ҳама кас, Дар ҳолати аҷз дастгири ҳама кас. Ё раб, ту маро тавба диҳу узр пазир, Эй тавбадиҳу узрпазири ҳама кас.
Шоҳо, зи дуои марди огоҳ битарс,
Шоҳо, зи дуои марди огоҳ битарс, В-аз сӯзи дилу оҳи саҳаргоҳ битарс. Бар лашкару бар сипоҳи худ ғарра машав, Аз омадани сели баногоҳ битарс.
Дар дил дардест аз ту пинҳон, ки мапурс,
Дар дил дардест аз ту пинҳон, ки мапурс, Танг омада чандон дилам аз ҷон, ки мапурс. Бо ин ҳама ҳолу дар чунин танг диле Ҷо карда муҳаббати ту чандон, ки мапурс.
Наврӯз шуду ҷаҳон баровард нафас,
Наврӯз шуду ҷаҳон баровард нафас, Ҳосил зи баҳори умр моро ғаму бас. Аз қофилаи баҳор н-омад овоз, То лола ба боғ сарнигун сохт ҷарас.
Аллоҳ, ба фарёди мани бекас рас,
Аллоҳ, ба фарёди мани бекас рас, Фазлу карамат ёри мани бекас бас. Ҳар кас ба касею ҳазрате менозад, Ҷуз ҳазрати ту надорад ин бекас кас.
Дил хаставу ҷон фигору мижгон хунрез,
Дил хаставу ҷон фигору мижгон хунрез, Рафтам бари он ёру маҳи меҳрангез. Ман ҷой накарда гарм, гардун ба ситез Зад бонг, ки: Ҳон, чанд нишинӣ, бархез!
Донӣ, ки маро ёр чӣ гуфтаст имрӯз,
Донӣ, ки маро ёр чӣ гуфтаст имрӯз, Ҷуз мо ба касе дарманигар, дида бидӯз. Аз чеҳраи хеш оташе афрӯзад, Яъне ки биёву дар раҳи дӯст бисӯз.
Дил ҷуз раҳи ишқи ту напӯяд ҳаргиз,
Дил ҷуз раҳи ишқи ту напӯяд ҳаргиз, Ҷон ҷуз сухани ишқ нагӯяд ҳаргиз. Саҳрои дилам ишқи ту шӯристон кард, То меҳри касе дар он нарӯяд ҳаргиз.
Ман будам дӯшу он бути банданавоз,
Ман будам дӯшу он бути банданавоз, Аз ман ҳама лоба буду аз вай ҳама ноз. Шаб рафту ҳадиси мо ба охир нарасид, Шабро чӣ гунаҳ, қиссаи мо буд дароз.
Дар ҳар саҳаре бо ту ҳамегӯям роз,
Дар ҳар саҳаре бо ту ҳамегӯям роз, Бар даргаҳи ту ҳамекунам арзи ниёз. Бе миннати бандагонат, эй банданвоз, Кори мани бечораи саргашта бисоз.
Эй сирри ту дар синаи ҳар маҳрами роз,
Эй сирри ту дар синаи ҳар маҳрами роз, Пайваста дари раҳмати ту бар ҳама боз. Ҳар кас, ки ба даргоҳи ту овард ниёз, Маҳрум зи даргоҳи ту кай гардад боз.
Огоҳ бизӣ, эй дилу огоҳ бимир,
Огоҳ бизӣ, эй дилу огоҳ бимир, Чун толиби манзилӣ ту, дар роҳ бимир. Ишқ аст ба сони зиндагонӣ, варна З-ин сон, ки туӣ, хоҳ бизӣ, хоҳ бимир.
Гуфтам, ки:Дилам.Гуфт: Кабобе кам гир,
Гуфтам, ки:Дилам.Гуфт: Кабобе кам гир, Гуфтам: Чашмам. Гуфт: Саробе кам гир. Гуфтам: Ҷонам. Гуфт, ки: Дар олами ишқ Бисёр хароб аст, харобе кам гир.
Маҷнуну парешони туам, дастам гир,
Маҷнуну парешони туам, дастам гир, Саргаштаву ҳайрони туам, дастам гир. Ҳар бесару по чу дастгире дорад, Ман бесару самони туам, дастам гир.
Дар боргаҳи ҷалолат, эй узрпазир,
Дар боргаҳи ҷалолат, эй узрпазир, Дарёб, ки ман омадаам зору ҳақир. Аз ту ҳама раҳмат асту аз ман тақсир, Ман ҳеч наям, ҳама туӣ, дастам гир.
Ҳар луқма, ки бар хони авон аст, махӯр,
Ҳар луқма, ки бар хони авон аст, махӯр, Гар нафси туро роҳати ҷон аст, махӯр. Гар нафси туро асал намояд ба масал, Он хуни дили пирзанон аст, махӯр.
Хуршед чу бар фалак занад рахти нур,
Хуршед чу бар фалак занад рахти нур, Дар партави он хира шавад дида зи дур. В-он дам, ки кунад зи пардаи абр зуҳур. Фаннозиру яҷталиҳи мин ғайри қусур.
Эй пушти ту гарм карда санҷобу самур,
Эй пушти ту гарм карда санҷобу самур, Яксон ба мазоқи ту чи ширину чи шӯр. Аз ҷониби ишқ бонг бар бонгу ту кар, В-аз ҷониби ҳусн арз дар арзу ту кӯр.
Лаззоти ҷаҳон чашида бошӣ ҳама умр,
Лаззоти ҷаҳон чашида бошӣ ҳама умр, Бо ёри худ орамида бошӣ ҳама умр. Ҳам охири умр реҳлатат бояд кард, Хобе бошад, ки дида бошӣ ҳама умр.