Шеърҳо бо теги: динӣ
Шеърҳои марбут ба теги «динӣ» дар сомонаи «Шоирон».
Худоё, дил зи му бистон ба зорӣ,
Худоё, дил зи му бистон ба зорӣ, Намеоя зи му бемордорӣ. Намедунам, лаби лаълат ба хунам Чаро ташна-ст бо ин обдорӣ.
Сияҳбахтам, ки бахтам вожгун бӣ,
Сияҳбахтам, ки бахтам вожгун бӣ, Сияҳрӯзам, ки рӯзам тирагун бӣ. Худам меҳнаткаши кӯи муҳаббат, Зи дасти дил, ки ё раб, ғарқи хун бӣ!
Ҳама банди танам монанди най бӣ,
Ҳама банди танам монанди най бӣ, Мудомам дарди ҳиҷронат зи пай бӣ. Маро сӯзу гудоза то қиёмат, Худо дуна, қиёмат то ба кай бӣ.
Бало бӣ дил, Худоё, дил бало бӣ,
Бало бӣ дил, Худоё, дил бало бӣ, Гунаҳ чашмон кару дил мубтало бӣ. Агар чашмон накардӣ дидабонӣ, Чӣ донистӣ дилам, хубон куҷо бӣ?
Хушо онон, ки Аллаҳ ёрашон бӣ,
Хушо онон, ки Аллаҳ ёрашон бӣ, Ки ҳамду «Қулҳуваллаҳ» корашон бӣ. Хушо онон, ки доим дар намозанд, Биҳишти ҷовидон бозорашон бӣ.
Аз он рӯзе, ки моро офаридӣ,
Аз он рӯзе, ки моро офаридӣ, Ба ғайр аз маъсият чизе надидӣ. Худовандо, ба ҳаққи ҳашту чорат Зи му бигзар, шутур дидӣ, надидӣ.
Гарам рунӣ, в-арам хунӣ, та дунӣ,
Гарам рунӣ, в-арам хунӣ, та дунӣ, В-арам охир бисӯзонӣ, та дунӣ. В-арам бар сар ниҳӣ Алванду Майманд, Ҳамевожам, Худо, дунӣ, та дунӣ.
Ғами ишқат зи ганҷи ройгон беҳ.
Ғами ишқат зи ганҷи ройгон беҳ. Висоли та зи умри ҷовидон беҳ. Кафе аз хоки кӯят, дар ҳақиқат, Худо дуна, ки аз кавну макон беҳ.
Ғамам бе ҳадду дардам бешумора,
Ғамам бе ҳадду дардам бешумора, Фиғон, к-ин чораву дармун надора. Худовандо, надуна носеҳи му, Ки фарёди дилам беихтиёра.
Дарахти ғам ба ҷонам карда реша,
Дарахти ғам ба ҷонам карда реша, Ба даргоҳи Худо нолам ҳамеша. Азизун, қадри якдигар бидунед, Аҷал санг асту одам мисли шиша.
Ғаму дарди дили ту беҳисоба,
Ғаму дарди дили ту беҳисоба, Худо дуна, ки мурғи дил кабоба. Бинозам дасту бозуи та, ҷаллод, В-агар қатлам карӣ, валлаҳ, савоба.
Бура, бура, ки ҷононам туӣ, ту,
Бура, бура, ки ҷононам туӣ, ту, Бура, бура, ки султонам туӣ, ту. Та худ зунӣ, ки ғайр аз ту назунам, Бура, бура, ки имонам туӣ, ту.
Шави торат бувинам тор- тору,
Шави торат бувинам тор- тору, Гирифта зулматаш ҳар бурҷу бору. Худоё, рӯшноӣ бар дилам деҳ, Ки то бинам ҷамоли ҳашту чору.
Агар мастони мастем, аз та имон,
Агар мастони мастем, аз та имон, Агар бе пову дастем, аз та имон. Агар ҳинду, агар габр, ар мусалмон, Ба ҳар миллат, ки ҳастем, аз та имон.
Бура, эй рӯи та боғу баҳорам,
Бура, эй рӯи та боғу баҳорам, Хаёлат мӯниси шабҳои торам. Худо дуна, ки дар дунёи фонӣ Ба ғайр аз ишқи та коре надорам.
Бар сар ғайри та савдое надирам,
Бар сар ғайри та савдое надирам, Ба дил ҷуз та таманное надирам. Худо зуна, ки дар бозори ишқат Ба ҷуз ҷун ҳеч колое надирам.
Бар сар шавқи сари кӯи та дирам,
Бар сар шавқи сари кӯи та дирам, Ба дил меҳри маҳи рӯи та дирам. Бути ман, Каъбаи ман, қиблаи ман, Таӣ ҳар сӯ, назар сӯи та винам.
Сари кӯи ту то чанд ояму шам,
Сари кӯи ту то чанд ояму шам, Зи васлат бенаво чанд ояму шам? Сари кӯят барои дидани ту, Натарсӣ аз Худо, чанд ояму шам?!
Дилам дур асту аҳволаш назунам,
Дилам дур асту аҳволаш назунам, Касе хоҳад, ки пайғомаш расунам. Худовандо, зи маргам мӯҳлате деҳ, Ки дидоре ба дидораш расунам.
Ба рӯи дилбаре гар моиластам,
Ба рӯи дилбаре гар моиластам, Макун манъам, гирифтори диластам. Худоро, сорбон, оҳиста мерон, Ки му вомандаи ин қофиластам.
Му аз қолу бало ташвиш дирам,
Му аз қолу бало ташвиш дирам, Гуноҳ аз баргу борун беш дирам. Агар «Лотақнату» дастам нагирад, Му аз «Ё вайлано» андеш дирам.
Худоё, дод аз ин дил, дод аз ин дил,
Худоё, дод аз ин дил, дод аз ин дил, Ки як дам му нагаштам шод аз ин дил. Чу фардо додхоҳун дод хоҳанд, Бигӯям сад ҳазорун дод аз ин дил.
Чаро озурдаҳолӣ, эй дил, эй дил,
Чаро озурдаҳолӣ, эй дил, эй дил, Мудом андар хаёлӣ, эй дил, эй дил. Бирав, кунҷе нишин, шукри Худо кун, Ки шояд ком ёбӣ, эй дил, эй дил.
Худовандо, му безорам аз ин дил,
Худовандо, му безорам аз ин дил, Шаву рӯзон дар озорам аз ин дил. Зи бас нолидам, аз нолиданам танг, Зи му бистон, ки безорам аз ин дил.
Шави тор асту гургон мезанан меш,
Шави тор асту гургон мезанан меш, Ду зулфонат ҳамоил кун, бура пеш. Аз он кунҷи лабат бӯсе ба му деҳ, Бигӯ: Роҳи Худо додам ба дарвеш.