Шеърҳо бо теги: дубайтӣ
Шеърҳои марбут ба теги «дубайтӣ» дар сомонаи «Шоирон».
Мураттабкунӣ: навтарин аввал
Бура, эй дил, бура, ёри пушаймон,
Бура, эй дил, бура, ёри пушаймон, Макун коре, к-аз он гардӣ пушаймон. Ба ду рӯзе ба нокомӣ сар орем, Биша рӯзе, ки гул чинем ба домон.
Хушо онон, на сар доран, на сомон,
Хушо онон, на сар доран, на сомон, Нишинан, ҳар ду по печон ба домон. Шавад рӯзон, сабурӣ пеш гиран Ба ёди рӯи дилдорон мудомон.
Дило чунӣ, дило чунӣ, дило чун,
Дило чунӣ, дило чунӣ, дило чун, Ҳама хунӣ, ҳама хунӣ, ҳама хун. Зи баҳри Лайлии симинъизоре Чу Маҷнунӣ, чу Маҷнунӣ, чу Маҷнун.
Агар мастони мастем, аз та имон,
Агар мастони мастем, аз та имон, Агар бе пову дастем, аз та имон. Агар ҳинду, агар габр, ар мусалмон, Ба ҳар миллат, ки ҳастем, аз та имон.
Бура, бура, ки дидори та винам,
Бура, бура, ки дидори та винам, Гулу сунбул зи дидори та чинам. Ҳамин шавқам будӣ солуну моҳун, Ки дар рӯзе даме бо та нишинам.
Бура, эй рӯи та боғу баҳорам,
Бура, эй рӯи та боғу баҳорам, Хаёлат мӯниси шабҳои торам. Худо дуна, ки дар дунёи фонӣ Ба ғайр аз ишқи та коре надорам.
Ба умри хештан то ёд дирам,
Ба умри хештан то ёд дирам, Зи ҳаҷрат нолаву фарёд дирам. Надорам хотири шоде ба хотир, Ҳамеша хотири ношод дирам.
Ғами ишқи та модарзод дирам,
Ғами ишқи та модарзод дирам, На аз омӯзиши устод дирам. Хушам бо он, ки аз юмни ғами та Харобободи дил обод дирам.
Бар сар ғайри та савдое надирам,
Бар сар ғайри та савдое надирам, Ба дил ҷуз та таманное надирам. Худо зуна, ки дар бозори ишқат Ба ҷуз ҷун ҳеч колое надирам.
Бар сар шавқи сари кӯи та дирам,
Бар сар шавқи сари кӯи та дирам, Ба дил меҳри маҳи рӯи та дирам. Бути ман, Каъбаи ман, қиблаи ман, Таӣ ҳар сӯ, назар сӯи та винам.
Му он меҳнаткаши ҳасратнасибам,
Му он меҳнаткаши ҳасратнасибам, Ки дар ҳар мулку ҳар буме ғарибам. Набу рӯзе, ки оӣ бар сари ман, Дами охир бувинам му ҳабибам.
Дило, аз дасти танҳоӣ ба ҷунам,
Дило, аз дасти танҳоӣ ба ҷунам, Зи оҳу нолаи худ дар фиғунам. Шавони тор аз дарди ҷудоӣ Кара фарёд мағзи устухунам.
Му он риндам, ки исён пеша дирам,
Му он риндам, ки исён пеша дирам, Ба дасте ҷому дасте шиша дирам. Агар ту бегуноҳӣ, рав малак шав, Ман аз Ҳаввову Одам реша дирам.
Биё, то даст аз ин олам бидорем,
Биё, то даст аз ин олам бидорем, Биё, то пои дил аз гил барорем. Биё, то бурдборӣ пеша созем, Биё, то тухми некӯӣ бикорем.
Ман ун мискини беқадру бар астам,
Ман ун мискини беқадру бар астам, Ман ун сӯзанда шамъи бесар астам. На кори охират, на кори дунё, Ман ун хушкида нахли бебар астам.
Зи бахти бад ҳазор андеша дирам,
Зи бахти бад ҳазор андеша дирам, Ҳамеша заҳри ғам дар шиша дирам. Зи носозии бахту гардиши чарх Фиғону оҳу зорӣ пеша дирам.
Ба ғайр аз та дигар ёре надирам,
Ба ғайр аз та дигар ёре надирам, Ба ағёре сару коре надирам. Ба дуккони ту он косид матоъам, Ки асло рӯи бозоре надирам.
Ба ханҷар гар дароран дидагунам,
Ба ханҷар гар дароран дидагунам, Ба оташ гар бисӯзан устухунам, Агар бар нохунунам най бикӯбан, Нагирам дил зи ёри меҳрабунам.
Фалак, барҳам задӣ охир асосам,
Фалак, барҳам задӣ охир асосам, Задӣ бар хумраи нилӣ либосам. Агар дорӣ барот аз қасди ҷонам, Бикан охир аз ин дунё асосам.
Илоҳӣ, душманатро хаста винам,
Илоҳӣ, душманатро хаста винам, Ба сина-ш ханҷаре то даста винам. Сари шав оям, аҳволаш бипурсам, Саҳар оям, мазораш баста винам.
Му он мастам, ки по аз сар назунам,
Му он мастам, ки по аз сар назунам, Сару пое ба ҷуз дилбар назунам. Дилороме, к-аз ӯ гирад дил ором, Ба ғайр аз соқии Кавсар назунам.
Шаве нолам, шаве шавгир нолам,
Шаве нолам, шаве шавгир нолам, Зи дасти ёри бетадбир нолам. Гаҳе ҳамчун паланги тирхӯрда, Гаҳе чун шери дар занҷир нолам.
Ту худ гуфтӣ, ки му маллоҳ монам,
Ту худ гуфтӣ, ки му маллоҳ монам, Ба оби дидагон киштӣ биронам. Ҳаметарсам, ки киштӣ ғарқ во бу, Дар ин дарёи бепоён бимонам.
Му, ки дур аз туам, зуннор бандам,
Му, ки дур аз туам, зуннор бандам, Яҳуду бутпарастам, гар бихандам. Пас аз аҳду вафоят, эй дилором, Дигар аҳду вафо бо кас набандам.
Бура, к-аз дида Ҷайҳуне бисозам,
Бура, к-аз дида Ҷайҳуне бисозам, Бура, Лайлию Маҷнуне бисозам. Фаридуни азиз аз дасти му рафт, Бура, аз нав Фаридуне бисозам.