Шеърҳо бо теги: дубайтӣ
Шеърҳои марбут ба теги «дубайтӣ» дар сомонаи «Шоирон».
Мураттабкунӣ: навтарин аввал
Зи ишқат оташе дар бӯта дирам,
Зи ишқат оташе дар бӯта дорам, Дар он оташ дилу ҷон сӯта дорам. Сагат гар по ниҳад бар чашм, эй дӯст, Ба мижгон хоки роҳаш рӯта дорам.
Бура, сӯтадило, то мо бинолем,
Бура, сӯтадило, то мо бинолем, Зи дасти ёри бепарво бинолем. Бишем бо булбули шайдо ба гулшан. Агар булбул нанола, мо бинолем.
Агар ҷоят ба чархи чанбарин бӣ,
Агар ҷоят ба чархи чанбарин бӣ, Мудумат гурги марг андар камин бӣ. Агар сад сол дар дунё бимунӣ, Дар охир манзилат зери замин бӣ.
Та, ки хуршеди авҷи дилрабоӣ,
Та, ки хуршеди авҷи дилрабоӣ, Чунин бераҳму сангдил чароӣ? Ба аввал он ҳама меҳру муҳаббат, Ба охир роҳу расми бевафоӣ?!
Зи дил меҳри рухи ту рафтанӣ не,
Зи дил меҳри рухи ту рафтанӣ не, Ғами ишқат ба ҳар кас гуфтанӣ не, Валекин сӯзиши меҳру муҳаббат Миёни мардумун бинҳуфтанӣ не.
Бало мардаш ба коми дилбарам бӣ,
Бало мардаш ба коми дилбарам бӣ, Суханҳои хушаш тоҷи сарам бӣ. Агар шоҳам бибахшад мулки Шероз, Ҳамон беҳтар, ки дилбар дар барам бӣ.
Дили шод аз дили зораш хабар не,
Дили шод аз дили зораш хабар не, Саломатрӯз бемораш хабар не. Зи тақсири та ин расми қадима, Ки озод аз гирифтораш хабар не.
Азизун, аз ғаму дарди ҷудоӣ,
Азизун, аз ғаму дарди ҷудоӣ, Ба чашмонам намонда рӯшноӣ. Гирифторам ба доми ғурбату дард, На ёру ҳамдаме, на ошное.
Ҳар ун кас, молу ҷоҳаш бештар бӣ,
Ҳар ун кас, молу ҷоҳаш бештар бӣ, Дилаш аз дарди дунё рештар бӣ. Агар бар сар ниҳад чун хусравун тоҷ, Ба ширин ҷонаш охир нештар бӣ.
Ба гӯристон гузар кардам сабоҳе,
Ба гӯристон гузар кардам сабоҳе, Шунидам нолаву афғону оҳе. Шунидам, каллае бо хок мегуфт, Ки ин дунё намеарзад ба коҳе.
Зи дасти ишқ ҳар шав ҳолам ин бӣ,
Зи дасти ишқ ҳар шав ҳолам ин бӣ, Сарирам хишту болинам замин бӣ. Хушам ин бӣ, ки му та дӯст дирам, Ҳар он та дӯст дора, ҳолаш ин бӣ.
Чи хуш бӣ, меҳрубонӣ ҳар ду сар бӣ,
Чи хуш бӣ, меҳрубонӣ ҳар ду сар бӣ, Ки як сар меҳрубонӣ дарди сар бӣ. Агар Маҷнун дили шӯридае дошт, Дили Лайлӣ аз он шӯридатар бӣ.
Маро девонаву шайдо та дирӣ,
Маро девонаву шайдо та дирӣ, Маро саргаштаву расво та дирӣ. Намедунам, дилам дорад куҷо ҷой, Намедунам, ки дар вай ҷо та дирӣ.
Нигори тозахези му, куҷоӣ,
Нигори тозахези му, куҷоӣ, Ба чашмон сурмарези му, куҷоӣ. Нафас бар синаи Тоҳир расида, Дами мурдан, азизи му, куҷоӣ?
Хаёлат мекарам му гоҳ-гоҳе,
Хаёлат мекарам му гоҳ-гоҳе, Мусибат бу, агар муро нахоҳӣ. Та, ки кардӣ муро олуда дар хун, Набошад ранги болои сиёҳе.
Му аҳволам хароба, гар ту ҷӯӣ,
Му аҳволам хароба, гар ту ҷӯӣ, Ҷигарбандам хароба, гар ту ҷӯӣ, Та, ки рафтию ёри нав гирифтӣ, Қиёмат ҳам ҳисоба, гар ту ҷӯӣ.
Дилам булбулсифат ҳайрони гул бӣ,
Дилам булбулсифат ҳайрони гул бӣ, Дарунам чун дарахти пай ба гил бӣ. Хуноба бор дирам арғувонвор, Дарахти наҳла бораш хуни дил бӣ.
Замони лолазорун ҳафтае бӣ,
Замони лолазорун ҳафтае бӣ, Ки фасли навбаҳорун ҳафтае бӣ. Ғанимат дун висоли ёри ҷонӣ, Ки васли рӯи ёрун ҳафтае бӣ.
Зи мушки Чин сияҳтар сунбулат бӣ,
Зи мушки Чин сияҳтар сунбулат бӣ, Ҳазорон дил ба қайди кокулат бӣ. Набошад нолаамро дар дилат роҳ, Зи хора сахттар гӯё дилат бӣ.
Бимирам, то та чашми тар навинӣ,
Бимирам, то та чашми тар навинӣ, Шарори оҳи пурозар навинӣ. Чунон аз оташи ишқат бисӯзам, Ки аз му ранги хокистар навинӣ.
Дил аз дасти ғамат зеру забар бӣ,
Дил аз дасти ғамат зеру забар бӣ, Ду чашмонам пур аз хуни чигар бӣ. Ҳар он ёри азизаш нозвар бӣ, Дилаш пурғусса, ҷонаш пуршарар бӣ.
Дили му з-оташи ғам сӯтанӣ бӣ,
Дили му з-оташи ғам сӯтанӣ бӣ, Ба ҷонам сӯзи ишқ афрӯтанӣ бӣ. Гираҳ нокарда ришта дар кафанҳо, Ба шоҳону гадоён дӯтанӣ бӣ.
Чӣ воҷам, ҳарчӣ воҷам, вота шон бӣ,
Чӣ воҷам, ҳарчӣ воҷам, вота шон бӣ, Сухан аз бешу аз кам вота шон бӣ. Ба дарё му шудам, гавҳар барорам, Ҳар он гавҳар, ки дидам, вота шон бӣ.
Ба дунёи данӣ кай монданӣ бӣ,
Ба дунёи данӣ кай монданӣ бӣ, Ки доман бар ҷаҳон афшонданӣ бӣ. Ҳаме «Ло тақнату» хонӣ, азизо, Дило, «Ё вайлано» ҳам хонданӣ бӣ.
Саҳаргоҳон, ки булбул бар гул оӣ,
Саҳаргоҳон, ки булбул бар гул оӣ, Ашки чашмам ба домон гул-гул оӣ. Равам, дар пои гул афғон карам сар, Ки ҳар сӯтадиле дар ғулғул оӣ.