Шеърҳо бо теги: танҳоӣ
Шеърҳои марбут ба теги «танҳоӣ» дар сомонаи «Шоирон».
Мураттабкунӣ: навтарин аввал
Му он меҳнаткаши ҳасратнасибам,
Му он меҳнаткаши ҳасратнасибам, Ки дар ҳар мулку ҳар буме ғарибам. Набу рӯзе, ки оӣ бар сари ман, Дами охир бувинам му ҳабибам.
Дило, аз дасти танҳоӣ ба ҷунам,
Дило, аз дасти танҳоӣ ба ҷунам, Зи оҳу нолаи худ дар фиғунам. Шавони тор аз дарди ҷудоӣ Кара фарёд мағзи устухунам.
Зи бахти бад ҳазор андеша дирам,
Зи бахти бад ҳазор андеша дирам, Ҳамеша заҳри ғам дар шиша дирам. Зи носозии бахту гардиши чарх Фиғону оҳу зорӣ пеша дирам.
Шаве нолам, шаве шавгир нолам,
Шаве нолам, шаве шавгир нолам, Зи дасти ёри бетадбир нолам. Гаҳе ҳамчун паланги тирхӯрда, Гаҳе чун шери дар занҷир нолам.
Ҳазорон ғам ба дил андӯта дирам,
Ҳазорон ғам ба дил андӯта дирам, Ба сина оташе афрӯта дирам. Ба як оҳи саҳаргоҳ аз дили танг Ҳазорон муддаиро сӯта дирам.
Азизон, мо гирифтори ду дардем,
Азизон, мо гирифтори ду дардем, Яке баднақшию дигар, ки фардем. Насиби мо набу, ки мо та винем, Ҷамолат як назар нодида мурдем.
Шавон исторагон як-як шуморам,
Шавон исторагон як-як шуморам, Бува нимашавон гӯш во та дорам. Пас аз нимашавон, ки то наёӣ, Бурони ашк аз дида биборам.
Назунӣ, эй фалак, ки мустамандам,
Назунӣ, эй фалак, ки мустамандам, Во му пур бад макан, ки дардмандам. Ба як гардиш, ки мегардӣ, бибинӣ, Чу ришта му ба сомонат бибандам.
Фалак кай бишнавад оҳу фиғонам,
Фалак кай бишнавад оҳу фиғонам, Ба ҳар гардиш занад оташ ба ҷонам. Як умре бигзаронам бо ғаму дард, Ба коми дил нагардад осмонам.
Ба дил дарди ғамат боқӣ ҳанӯзам,
Ба дил дарди ғамат боқӣ ҳанӯзам, Касе воқиф набу аз дарди сӯзам. Набу як булбули сӯта ба гулшан, Ба сӯзи му набу кофар ба рӯзам.
Аз он дилхаставу синафигорам,
Аз он дилхаставу синафигорам, Ки гирён дар таҳи санги мазорам. Бивоҷандам, ки та шӯре надорӣ, Саропо шӯр дорам, шар надорам.
Ба шав маҳви рухи маҳпора ҳастам,
Ба шав маҳви рухи маҳпора ҳастам, Ба рӯз аз дарду ғам бечора ҳастам. Ту дорӣ дар макони худ қароре, Муям, ки дар ҷаҳон овора ҳастам.
Бура, як дам бинолему бисӯҷем,
Бура, як дам бинолему бисӯҷем, Аз он рӯе, ки ҳар ду тирарӯҷем. Та, булбул, ҳошалиллаҳ мисли мунӣ, Набу ҷуз дарду ғам як умр рӯҷем.
Му, ки афсурдаҳолам, чун нанолам,
Му, ки афсурдаҳолам, чун нанолам, Шикаста парру болам, чун нанолам? Ҳама гӯян: Фалонӣ, нола кам кун, Та оӣ дар хаёлам, чун нанолам?
Бе та гулшан чи зондона ба чашмам,
Бе та гулшан чи зондона ба чашмам, Гулистон озаристона ба чашмам. Бе та орому умру зиндагонӣ Ҳама хоби парешона ба чашмам.
Ғамам ғам бию ғамхори дилам ҳам,
Ғамам ғам бию ғамхори дилам ҳам, Ғамам ҳам мӯнису ҳам ёру ҳамдам. Ғамам наҳла, ки му танҳо бишинам, Маризо, боракаллаҳ, марҳабо ғам.
Назунам му, ки саргардон чароям,
Назунам му, ки саргардон чароям, Гаҳе гирён, гаҳе нолон чароям? Ҳама дарде ба дармон ёфт дармун, Назунам му, ки бедармон чароям.
Бура, як шав мунаввар кун вусоқам,
Бура, як шав мунаввар кун вусоқам, Маҳил дар меҳнату дарди фироқам. Ба тоқи ҷуфти абрӯи ту савганд, Ки му ҷуфти ғамам, то аз ту тоқам.
Бура, сӯтадилон гирди ҳам оем,
Бура, сӯтадилон гирди ҳам оем, Сухан во ҳам карем, ғам во намоем. Тарозу оварем, ғамро бисанҷем, Ҳар он ғамгинтарем, вазнинтар оем.
Ба саҳро бингарам, саҳро та винам,
Ба саҳро бингарам, саҳро та винам, Ба дарё бингарам, дарё та винам. Ба ҳар ҷо бингарам кӯҳу дарду дашт, Нишон аз қомати раъно та винам.
Му он озурдаи бехонумонам,
Му он озурдаи бехонумонам, Му он меҳнатнасиби сахтҷонам. Му он саргашта хорам дар биёбун, Ки ҳар боде вазад, пешаш давонам.
Зи дасти чархдорун дод дирам,
Зи дасти чархдорун дод дирам, Ҳазорон нолаву фарёд дирам. Нишаста дилситонам бо хасу хор, Чӣ гуна хотири худ шод дирам?
Агар оӣ, ба ҷонат во навозам,
Агар оӣ, ба ҷонат во навозам, В-агар н-оӣ, зи ҳиҷронат гудозам. Биё, дарде ки дорӣ, бар дилам неҳ, Бимирам, ё бисӯзам, ё бисозам.
Ғами дарди му аз аттор мепурс,
Ғами дарди му аз аттор мепурс, Дарозии шав аз бемор мепурс. Халоиқ ҷумлагӣ аҳвол пурсанд, Та, ки ҷону дилӣ, як бор мепурс.
Му, ки сар дар биёбунам шаву рӯз,
Му, ки сар дар биёбунам шаву рӯз, Сиришк аз дида борунам шаву рӯз, На таб дирам, на ҷоям мекуна дард, Ҳамедунам, ки нолунам шаву рӯз.