Шеърҳо бо теги: дубайтӣ
Шеърҳои марбут ба теги «дубайтӣ» дар сомонаи «Шоирон».
Мураттабкунӣ: навтарин аввал
Шаве н-оя, к-аз ашкам дида тар не,
Шаве н-оя, к-аз ашкам дида тар не, Рӯзе н-оя, ки хунинам ҷигар не. Шаву рӯҷам равад бо нолаву сӯз, Ту хуш хуфта зи ҳоли му-т хабар не.
Зи дил берун ба бахтам нола н-оӣ,
Зи дил берун ба бахтам нола н-оӣ, Зи мижгуни тари му жола н-оӣ. Шаве н-оя, ки му хобат бувинам, Ба бахти му ба чашмам лола н-оӣ.
Саросар моли дунё сӯтанӣ бӣ,
Саросар моли дунё сӯтанӣ бӣ, Назар аз моли дунё дӯтанӣ бӣ. Ғаму дарде, ки дар дил дорӣ имрӯз, Барои рӯзи ҳашр андӯтанӣ бӣ.
Му ҳар шому саҳар гирям ба кӯе,
Му ҳар шому саҳар гирям ба кӯе, Ки ҷорӣ гардад аз ҳар гӯша ҷӯе. Муи бечора андар боғи васлат, Ҳар он чи лола корам, хор рӯӣ.
Набу рӯзам ба ғайри беқарорӣ,
Набу рӯзам ба ғайри беқарорӣ, Шавун бедорию афғону зорӣ. Ба ман сӯза дили ҳар дуру наздик, Та аз сангиндилӣ парво надорӣ.
Илоҳӣ, эй фалак, чун му забун шӣ,
Илоҳӣ, эй фалак, чун му забун шӣ, Дилат ҳамчун дили му ғарқи хун шӣ. Агар як лаҳзаам беғам бубинӣ, Яқин дунам, к-аз ин ғам сарнигун шӣ.
Ғам андар синаи му хона дирӣ,
Ғам андар синаи му хона дирӣ, Чу вайрона, ки бум ошона дирӣ. Фалак, андар дили мискини му неҳ, Аз ин ғам ҳар чӣ дар анбона дирӣ.
Ба доми дилбаре дил мубтало бӣ,
Ба доми дилбаре дил мубтало бӣ, Ки ҳиҷрунаш бало, васлаш бало бӣ. Дар ин вайрона ҷуз дилхун надидам, На дил, гӯӣ, ки дашти Карбало бӣ.
Ҷаҳон хон бию мардум меҳмон бӣ,
Ҷаҳон хон бию мардум меҳмон бӣ, Имрӯз олола бӣ, фардо хазон бӣ. Сияҳ чоле канан, номаш ниҳан гӯр, Ба му воҷан, ки инат хонумон бӣ.
Худоё, дил зи му бистон ба зорӣ,
Худоё, дил зи му бистон ба зорӣ, Намеоя зи му бемордорӣ. Намедунам, лаби лаълат ба хунам Чаро ташна-ст бо ин обдорӣ.
Касе, ки раҳ ба бедодам бара, не,
Касе, ки раҳ ба бедодам бара, не, Хабар бар сарви озодам бара, не. Тамоми хубрӯён ҷамъ гарданд, Касе, ки ёдат аз ёдам бара, не.
Агар номеҳрубонам меҳрубон бӣ,
Агар номеҳрубонам меҳрубон бӣ, Чаро аз дидагонам хун равон бӣ? Агар дилбар ба му дилдор меша, Чаро дар тан маро на дил, на ҷон бӣ.
Ба сӯи боғу бустон лола во бӣ,
Ба сӯи боғу бустон лола во бӣ, Ҳама мӯҳо мисоли жола во бӣ. В-агар сӯи Хуросон корвонро Раҳонам му, суи Бангола во бӣ.
Шавам торику рӯзам тиратар бӣ,
Шавам торику рӯзам тиратар бӣ, Бахти ошуфтаам зеру забар бӣ. Зи мижгони хадангаш хӯрдаам тир, Ки носураш ба ҳар дам тозатар бӣ.
Дури ашкам ба домон рета авло,
Дури ашкам ба домон рета авло, Хуни дилам зи чашмон рета авло. Ба кас ҳарфе зи ҷаврат вонавоҷам, Ки ҳарфи ҷавр пинҳон рета авло.
Рухуне аз ҳаё хун рета дирӣ,
Рухуне аз ҳаё хун рета дирӣ, Ду мижгуни ба заҳр омета дирӣ. Зи ҷодуӣ дар он чоҳи занахдон Дили Ҳорутро овета дирӣ.
Занам аз баҳри ёре гиҷу виҷе,
Занам аз баҳри ёре гиҷу виҷе, Шавонам ов аз чашмон биреҷӣ. Ҳар кӣ рози дилаш воҷа ба мардум, Ё аз девонагӣ бу, ё зи гиҷӣ.
Кашам оҳе, ки гардун бохабар шӣ,
Кашам оҳе, ки гардун бохабар шӣ, Дили девонаам девонатар шӣ. Битарс аз сӯзи оҳи сӯтадилҳо, Ки оҳи сӯтадилҳо коргар бӣ.
Дили ту кай зи ҳолам бохабар бӣ,
Дили ту кай зи ҳолам бохабар бӣ, Куҷо раҳмат ба ин хунинҷигар бӣ. Та, ки хунинҷигар ҳаргиз набудӣ, Кай аз хунинҷигарҳо бохабар бӣ?
Қадам доим зи бори ғусса хам бӣ,
Қадам доим зи бори ғусса хам бӣ, Чу му меҳнаткаше дар даҳр кам бӣ. Му ҳаргиз аз ғам озодӣ надидам, Дили бетолеъи му кӯҳи ғам бӣ.
Му он испедбозам Ҳаммадонӣ,
Му он испедбозам Ҳаммадонӣ, Лона дар кӯҳ дорам, дар ниҳонӣ. Ба боли худ парам кӯҳон ба кӯҳон, Ба чанги худ карам нахчирбонӣ.
Та, ки нӯшам наӣ, нешам чароӣ?
Та, ки нӯшам наӣ, нешам чароӣ? Та, ки ёрам наӣ, пешам чароӣ? Та, ки марҳам наӣ реши диламро, Намакпоши дили решам чароӣ?
Азизо, мардӣ аз номард н-оӣ,
Азизо, мардӣ аз номард н-оӣ, Фиғону нола аз бедард н-оӣ. Ҳақиқат бишнав аз пури Фаридун, Ки шӯъла аз танӯри сард н-оӣ.
Яқинам ҳосила, ки ҳарзагардӣ,
Яқинам ҳосила, ки ҳарзагардӣ, Аз ин гардиш, ки дорӣ, барнагардӣ. Ба рӯи му бибастӣ ҳар раҳеро, Бад-ин одат, ки дорӣ, кай та мардӣ.
Кариме, ки маконаш ломакон бӣ,
Кариме, ки маконаш ломакон бӣ, Сафобахши тамоми гулрухон бӣ. Нигаҳдорандаи рӯзу шави халқ, Ба ҳар ҷунбандае рӯзирасон бӣ.