КАҲРАБО
Ман на худ меравам, ӯ маро мекашад,
Коҳи саргаштаро каҳрабо мекашад.
Чун гиребон зи чангаш раҳо мекунам,
Доманамро ба қаҳр аз қафо мекашад.
Даступо мезанам, мерабояд сарам,
Сар раҳо мекунам, дасту по мекашад.
Гуфтам: Ин ишқ агар вогузорад маро,
Гуфт: Агар вогузорам вафо мекашад.
Гуфтам: Ин гӯши ту хуфта зери забон,
Ҳарфи ногуфтаро аз хафо мекашад.
Гуфт: Аз он пештар ин машоми ниҳон,
Бӯи андешаро дар ҳаво мекашад.
Лаззати нон шудан зери дандони ту,
Гандумамро сӯи осиё мекашад.
Сояи ӯ шудам, чун гурезам аз ӯ,
Дар паяш меравам, то куҷо мекашад?