Мекунам таҳнияти тозаи милод туро,
Мекунам таҳнияти тозаи милод туро,
Меравам, то зи ҳузурам кунам озод туро.
Ҳикмате дошт, ки ман фаҳм накардам зи нахуст,
К-аз чӣ бар қисмати ман дӯст фиристод туро.
Дили гумраҳ, ки лагадкӯби ҳаводис шудаӣ,
Шукр гӯ, шукр, ки ӯ медиҳад иршод туро.
Ҳама тарки ту намуданду як ӯ ёри ту монд,
Ӯ, ки пайдову ниҳон панҷара бикшод туро.
Шеър бо омадану н-омадани зебояш
Раҳ ба раҳ кушт туро в-аз сари нав зод туро.