Бигзарад
Эй дило, ғофил чароӣ? Рӯзгорон бигзарад,
Ҳамраҳи гул нашъаи фасли баҳорон бигзарад.
Қадри якдигар намедонем дар базми тараб,
Лаҳзаи танҳоии мо қадри ёрон бигзарад.
Кӯдаки ширхораро бошад бари модар биҳишт,
Тифл раҳпаймо шавад аз баҳри домон бигзарад.
Ҳамраҳи ин умри кӯтаҳ аз замири зиндагӣ
Хотири дардошонои мо парешон бигзарад.
Мард он бошад, ки чун Ҳаллоҷ ояд зери дор,
То ҳақиқат зинда бошад, аз сари ҷон бигзарад.