Ин сияҳномаи бадбахт, ки бадтар бошад
Аз ҳама ваҳшии даррандаи дашту кӯҳсор.
Ҷуз ба лаънат нанамоянд ба гетӣ ёдаш,
То абад лаънату нафрин ба сараш бошад бор.
Ҳаст ӯ душмани осудагии халқи ҷаҳон,
Ки пурошӯб бувад даҳр аз ӯ лайлу наҳор.
Қасди мо карду вале мо кафи хокаш надиҳем,
Торумораш бинамоему кунемаш афгор.
Душмани дӯстии халқи советӣ бувад ӯ,
Халқ ҳам душмани он саг зи сиғору зи кибор.