Хонасияҳ мардуми ҷоду-т кард,
Хонасияҳ мардуми ҷоду-т кард,
Рӯзи маро шаб чу шаби мӯ-т кард.
Шуҳрату овозаи мардафканӣ
Захми хаданги хами абрӯ-т кард.
Он чи ба мо рӯ-т бикард аз ҳазан,
Кулфати зиндон на ба Ҳорут кард.
Рӯйи ту бар оламе омад баҳор,
Бар рухи ман дамдамаи ҳут кард.
Шӯри ҷунун аз лаби мардум баланд
Силсилаи ҳалқаи гесу-т кард.
Косаи ғам зери сипеҳри кабуд
Ҳукми қазо қисмати носут кард.
Лоласифат доғ бувад кӯҳсор,
Барқи шарар бар дили ёқут кард.
Ҳоҷӣ, чи созам ба ҷаҳон дилхушӣ,
Ҳамнафасон бастаи тобут кард.