Бо рухаш моҳи осмон чӣ бувад,
Бо рухаш моҳи осмон чӣ бувад,
Зарра бо меҳр ҳамъинон чӣ бувад?
Пеши чашмаш хадангро чӣ маҳал,
Назди абрӯи ӯ камон чӣ бувад?
Бӯса ҷустам аз он даҳон, гуфто:
Бӯса чун бошаду даҳон чӣ бувад?
Гуфтамаш: Гирам он миён ба канор,
Гуфт: Муҳмал магӯ, миён чӣ бувад?
Ҷон талаб кард ёру ман гуфтам:
Ғайри лаъли лаби ту ҷон чӣ бувад?
Рӯи зардам рақиб нашносад,
Хар чӣ донад, ки заъфарон чӣ бувад?
Бар дараш хор шуд сари Носир,
Қимати саг бар остон чӣ бувад?