Дилам дар васли гулрӯе нагунҷад,
Дилам дар васли гулрӯе нагунҷад,
Хасак бо настаронбӯе нагунҷад.
Аз он дастам ба зери сар сутун аст,
Ки андар зери паҳлуе нагунҷад.
Ба чашмам з-оби дида сад харобист,
Ки оби баҳр дар ҷӯе нагунҷад.
Гуҳар гаштаст назмам, лек бе зар
Ба гӯши ҳеҷ маҳрӯе нагунҷад.
Тани ман гашт мӯе в-аз ту дур аст,
Ки моро дар миён мӯе нагунҷад.
Чаро бар дида кардӣ ҷой мижгон,
Ба васли турк ҳиндуе нагунҷад.
Наёбад раҳ ба кӯйи дӯст Носир,
Саги девона дар кӯе нагунҷад.