Дили маҷрӯҳро парвои тан нест,
Дили маҷрӯҳро парвои тан нест,
Шаҳиди ишқ муҳтоҷи кафан нест.
Ба ғайри ишқ коре нест, в-ар ҳаст
Ба ғайри ишқбозӣ кори ман нест.
Чу рӯят моҳ бар гардун набошад,
Ба болои ту сарве дар чаман нест.
Маро дил мекашад ҷое, ки он ҷо
Саборо заҳраи омад-шудан нест.
Зи анҷум анҷуман кардаст гардун,
Вале шамъе чу ӯ дар анҷуман нест.
Ман аз ҳубби ватан рафтам ба хаммор,
Ки ҷуз майхона риндонро ватан нест.
Ба рӯят то назар кардаст Носир,
Дигар ӯро сари гул ё суман нест.