Эй ошиқони рӯят бар меҳр дил ниҳода,
Эй ошиқони рӯят бар меҳр дил ниҳода,
Занҷириёни мӯят сарҳо ба бод дода.
Ҷонро ба кӯи ҷонон чашми хушат кашида
В-аз банди ғусса дилро абрӯйи ту кушода.
Бо ишқ ҷони моро сӯзест даргирифта,
Бо ашк чашми моро корест уфтода.
То чашми ниммастат вусма ниҳад бар абрӯ,
Чун дил халос ёбад з-он зулфи вониҳода?!
Аз васфи он занахдон ман, содадил, чӣ гӯям,
Ё Раб, чӣ лутф дорад он нозанини сода.
Моро зи нанги ҳастӣ ҷуз май намераҳонад,
Сӯфӣ, мабош мункир, к-аз бод нест бода.
Бахти Убайду васлат, ин давлатам набошад,
Дар хоб агар хаёлат бинам, зиҳӣ саода.