Мирсаид Миршакар
1912 - 1993Мирсаид Миршакар — шоир, драматург, ходими давлатӣ ва яке аз асосгузорони адабиёти бачагонаи тоҷик мебошад. Ӯ дар таърихи адабиёти замони Шӯравӣ ҳамчун устоди достонсароӣ мақоми хоса дорад. Ӯ 5 майи соли 1912 дар деҳаи Синдеви ноҳияи Шуғнони Вилояти Мухтори Кӯҳистони Бадахшон дар оилаи чорводор ба дунё омадааст. Маълумоти ибтидоиро дар мактаб-интернати Хоруғ гирифта, сипас соли 1930 курсҳои сохтмони партиявиро дар Душанбе хатм кардааст. Дар солҳои 30-юм ҳамчун муҳаррири рӯзномаи «Зарбдори сохтмони Вахш» фаъолият карда, қаҳрамонии бинокоронро дар ашъораш васф намудааст. Ӯ солҳои зиёд (1961–1975) вазифаи Раиси Совети Олии ҶШС Тоҷикистонро бар зимма дошт ва дар рушди сиёсиву фарҳангии кишвар саҳми калон гузоштааст. Миршакар яке аз сутунҳои адабиёти кӯдакони тоҷик ба шумор меравад. Ӯ бо истифода аз фолклор ва забони содда барои бачаҳо асарҳои фаромӯшнашаванда офаридааст.
Мавзӯъҳои шеърҳо
1 тегТавсияи мо барои шиносоӣ бо Мирсаид Миршакар
Ҳушёр шав
Фарзанди пуршаъни Ватан. Боши дилу ҷони Ватан, Ҳастӣ нигаҳбони Ватан! Ҳушёр шав, ҳушёр шав!
Духтарони Дарвоз
Мевазад боди тозаву форам, Барги гулҳо ба ҷунбишанд аз он. Мешавад паҳн дар фазо ҳар дам, Ин суруди қадими куҳистон:
Ленин дар Помир
Не хурусе ҷеғ зад шаб, бемаҳал, Не ситора бар замин афтида буд, Не ба боми хонае чуғзе нишаст, Не касе дар хоб море дида буд.
