Нимо Юшиҷ

Нимо Юшиҷ (форсӣ: نیما یوشیج; номи аслиаш Алии Исфандиёрӣ) шоир, мунаққид ва назарияпардози барҷастаи Эрон буд, ки бо унвони "Падари шеъри нави форсӣ" шинохта мешавад. Ӯ кӯтоҳу баланд будани мисраъҳоро дар шеър ҷорӣ кард ва қофияро аз ҳолати ҳатмӣ ба василаи мусиқии шеър табдил дод. Нимо дар мадрасаи католикии "Сент-Луис" дар Теҳрон таҳсил карда, забони фаронсавиро ба хубӣ медонист. Маҳз мутолиаи осори шоирони фаронсавӣ, ба мисли Пол Верлен, ба ӯ илҳом бахшид, то сохтори суннатии шеъри форсиро дигаргун кунад.