Шеърҳо бо теги: танҳоӣ
Шеърҳои марбут ба теги «танҳоӣ» дар сомонаи «Шоирон».
Мураттабкунӣ: навтарин аввал
Гар пора кунӣ маро зи сар то ба қадам,
Гар пора кунӣ маро зи сар то ба қадам, Мавҷуд шавам зи ишқи ту ман зи адам. Ҷоне дорам, зи ишқи ту карда рақам, Хоҳиш ба шодӣ кушу хоҳиш ба ғам.
Ранҷураму дар дил аз ту дорам сад ғам,
Ранҷураму дар дил аз ту дорам сад ғам, Бе лаъли лабат ҳарифи дардам ҳама дам. З-ин умр малулам мани мискини ғариб, Хоҳад шавад оромгаҳам кӯи адам.
Чандат гуфтам, ки дида бардӯз, эй дил,
Чандат гуфтам, ки дида бардӯз, эй дил, Дар роҳи бало фитна маяндӯз, эй дил. Акнун ки шудӣ ошиқу бадрӯз, эй дил, Тан дардиҳу ҷон кану ҷигар сӯз, эй дил.
Дар боғ куҷо равам, ки нолад булбул,
Дар боғ куҷо равам, ки нолад булбул, Бе ту чӣ кунам ҷилваи сарву сунбул. Ё қадди ту ҳаст, ончи медорад сарв, Ё рӯи ту ҳаст, ончи медорад гул.
Оташ ба ду дасти хеш дар хирмани хеш,
Оташ ба ду дасти хеш дар хирмани хеш, Чун худ задаам, чӣ нолам аз душмани хеш? Кас душмани ман нест, манам душмани хеш, Эй вои ману дасти ману домани хеш.
Шӯхе, ки ба дида буд доим ҷояш,
Шӯхе, ки ба дида буд доим ҷояш, Рафт аз назарам сарви қади раънояш. Гашт аз паи ӯ қатразанон мардуми чашм, Чандонки зи ашк обила шуд бар пояш.
Дар дил дардест аз ту пинҳон, ки мапурс,
Дар дил дардест аз ту пинҳон, ки мапурс, Танг омада чандон дилам аз ҷон, ки мапурс. Бо ин ҳама ҳолу дар чунин танг диле Ҷо карда муҳаббати ту чандон, ки мапурс.
Маҷнуну парешони туам, дастам гир,
Маҷнуну парешони туам, дастам гир, Саргаштаву ҳайрони туам, дастам гир. Ҳар бесару по чу дастгире дорад, Ман бесару самони туам, дастам гир.
Ҷонам ба лаб аз лаъли хамӯши ту расид,
Ҷонам ба лаб аз лаъли хамӯши ту расид, Аз лаъли хамӯши боданӯши ту расид. Гӯши ту шунидаам, ки дарде дорад, Дарди дили ман магар ба гӯши ту расид?
Эй ишқ, ба дарди ту саре мебояд,
Эй ишқ, ба дарди ту саре мебояд, Сайди ту зи ман қавитаре мебояд. Ман мурғи ба як шӯъла кабобам, бигузор, К-ин оташро самандаре мебояд.
Гӯшам чу ҳадиси дарди чашми ту шунид,
Гӯшам чу ҳадиси дарди чашми ту шунид, Филҳол дилам хун шуду аз дида чакид. Чашми ту накӯ шавад, ба ман чун нигарӣ, То кӯр шавад, ҳар он ки натвонад дид.
Он ришта, ки бар лаъли лабат суда шавад,
Он ришта, ки бар лаъли лабат суда шавад, В-аз нӯши даҳонат ашк олуда шавад. Хоҳам, ки бад-ин синаи чокам дӯзӣ, Шояд ки зи ғамҳои ту осуда шавад.
Ҳар, к-ӯ зи дари умр дарояд, биравад,
Ҳар, к-ӯ зи дари умр дарояд, биравад, Чизеш ба ҷуз ғам накушояд, биравад. Аз сирри сухан касе нишоне надиҳад, Жоже ду-се ҳар касе бихояд, биравад.
Дӯшам ба тараб буд, на дилтангӣ буд,
Дӯшам ба тараб буд, на дилтангӣ буд, Сайрам ҳама дар олами якрангӣ буд. Ман рафтам, агарчи аз сари лангӣ буд, Ман будаму санги ман думансангӣ буд.
Ҷое ки ту бошӣ, асари ғам набувад,
Ҷое ки ту бошӣ, асари ғам набувад, Он ҷо ки набошӣ, дили хуррам набувад. Онро ки зи фурқати ту як дам набувад, Шодиш замину осмон кам набувад.
З-он нола, ки дар бистари ғам дӯшам буд,
З-он нола, ки дар бистари ғам дӯшам буд, Ғамҳои ҷаҳон ҷумла фаромӯшам буд. Ёрон ҳама дарди ман шуниданд, вале Ёре ки дар ӯ кард асар, гӯшам буд.
Дар чанги ғами ту дил суруде накунад,
Дар чанги ғами ту дил суруде накунад, Пеши ту фиғону нола суде накунад. Нолем ба нолае, ки огаҳ нашавӣ, Сӯзем ба оташе, ки дуде накунад.
Аз дафтари ишқ ҳар кӣ фарде дорад,
Аз дафтари ишқ ҳар кӣ фарде дорад, Ашки гулгун, чеҳраи зарде дорад. Бар гирди саре равад, ки шӯрест дар ӯ, Қурбони диле шавад, ки дарде дорад.
Кай ҳоли фитода ҳарзагарде донад,
Кай ҳоли фитода ҳарзагарде донад, Бедард куҷо лаззати дарде донад. Номард ба чизе нахарад мардонро, Марде бояд, ки қадри марде донад.
Гар дард кунад пои ту, эй ҳурнажод,
Гар дард кунад пои ту, эй ҳурнажод, Аз дард бидон, ки ҳаргизат дард мабод. Он дарди ман аст, бар манаш раҳм ояд, Аз баҳри шафоатам ба пои ту фитод.
Он дил, ки ту дидаӣ, зи ғам хун шуду рафт,
Он дил, ки ту дидаӣ, зи ғам хун шуду рафт, В-аз дидаи хунгирифта берун шуду рафт. Рӯзе ба ҳавои ишқ сайре мекард, Лайлисифате бидуду Маҷнун шуду рафт.
Эй дида, назар кун, агарат биноист,
Эй дида, назар кун, агарат биноист, Дар кори ҷаҳон, ки сар ба сар савдоест. Дар гӯшаи хилвату қаноат бинишин, Танҳо хӯ кун, ки оқибат танҳоист.
Сар то сари Дашти Ховар санге нест,
Сар то сари Дашти Ховар санге нест, К-аз хуни дилу дида бар он ранге нест. Дар ҳеч диёру ҳеч фарсанге нест, К-аз дасти ғамат нишаста дилтанге нест.
Аз дард нишон мадеҳ, ки дар ҷони ту нест,
Аз дард нишон мадеҳ, ки дар ҷони ту нест, Бигзар зи вилояте, ки он з-они ту нест. Аз бехирадӣ бувад, ки бо ҷавҳариён Лоф аз гуҳаре занӣ, ки дар кони ту нест.
Ҳаргиз аламе чу фурқати ҷонон нест,
Ҳаргиз аламе чу фурқати ҷонон нест, Дарде батар аз воқиаи ҳиҷрон нест. Гар тарки видоъ кардаам, маъзурам, Ту ҷони манӣ, видоъи ҷон осон нест.