Се чиз карда муҳайё ба қатлам он бадхӯ:

Се чиз карда муҳайё ба қатлам он бадхӯ: Карашма – теғу мижа – новаку камон абрӯ. Туро, ки ҳаст се чиз аз се чиз нозуктар: Даҳон зи ғунча, лаб аз барги гул, миён аз мӯ. Ба чашму оразу гесӯ рабудаӣ се чиз: Сиёҳӣ аз шабу нур аз маҳу рам аз оҳу. Дилам ба вақти баҳорон се чиз мехоҳад: Канори обу майи нобу соқии гулрӯ. Се чиз бурда маро дил зи каф, хабар дорам: Саводи зулфу баногӯшу ҳалқаи гесӯ. Муҳаббати ту ба дил аз се чиз наздик аст: Ба май зи нашъа, ба чашм аз нигаҳ, ба гул аз бӯ. Се чиз дар чаман ошуфта карда аз се чиз: Бунафша аз хату сунбул зи зулфу гул аз рӯ. Парӣ ду чашми туро бо се чиз мехонад: Яке макору дувум соҳиру севум ҷоду.