ОЗОД
Духтаре хобида дар маҳтоб,
Чун гули нилуфаре бар об,
Хоб мебинад,
Хоб мебинад, ки бемор аст дилдораш
В-ин сияҳруъё шикеб аз чашми бемораш.
Боз мечинад,
Менишинад хастадил дар домани маҳтоб,
Чун шикаста бодбони заврақе бар об.
Мекунад андеша бо худ,
Аз чӣ кӯшидам ба озораш?
В-аз пушаймонӣ саркаше гарм,
Медурахшад дар нигоҳи чашми бедораш,
Рӯзи дигар,
Боз чун дилдода мемонад ба роҳи ӯ,
Рӯй метобад зи дидораш.
Мегурезад аз нигоҳи ӯ,
Боз мекӯшад ба озораш.