Воизон з-он дар нафас фасли зимистон доран-е,

Воизон з-он дар нафас фасли зимистон доран-е, Манъи мастон аз маи гарм аз дилу ҷон доран-е. Хубрӯёнро агар ҷамъияти дил муддаост, Зулфи мушкин аз чӣ рӯ бар рӯ парешон доран-е. Гулрухон бепарда меоянд бо сад ҷилва пеш, Дидаҳоро то ба рӯи хеш ҳайрон доран-е. Дар куҳансолӣ дар оғӯшам даро, эй сарви ноз, Ҷони ширин аз ҷавонон дӯст пирон доран-е. Ин қадар овораи дайру ҳарам гардида халқ, Ҷӯстуҷӯят номусулмону мусулмон доран-е. Лоларӯёнро тамошо кун ба ҳангоми ҳаё, Аз арақ бар шоми хат гӯши чароғон доран-е. Ин қадар бар кӯҳи Мино ҷони ширин меканад, Майпарастон аз Парӣ лаъли Бадахшон доран-е.