Буду набуд
Овораам, овораам дар олами буду набуд,
Ҷуз ман куҷо ёбад Худо пур аз ғами буду набуд.
Хушёрию мастии ман маъно надорад дар ҷаҳон,
Дар дасти дарди ман бувад ҷоми ҷами буду набуд.
Аз кӯдакӣ то пириям ашки фаровон рехтам,
Дурдона ҷӯяд дил, вале андар ями буду набуд.
Дороии ҳар ду ҷаҳон дар пеши ман омадаанд,
Сармояи дил буду, вале он хотами буду набуд.
Андар фано ва дар бақо, Сармад ба ишқаш зинда аст,
Бори ду олам мекашад, он ҳамдами буду набуд.