Дил бурдиву дин, равост инҳо
Дил бурдиву дин, равост инҳо,
Эй ҷону ҷаҳон, чӣҳост инҳо?
Бандам зи ғамат ҷудо шуд аз банд,
Аз ҷавру ситам ҷудост инҳо.
Гуфтӣ: «Диҳамат ҳазор душном».
Душном магӯ, дуост инҳо!
Хоки раҳу гарди пояш гирд ор,
Эй дида, ки тӯтиёст инҳо.
Бар рӯйи ту холҳои мушкин —
Бар дил ҳама доғҳост инҳо.
Чашми хушу холи хуш, хати хуш,
Аз ҷумла бутон кирост инҳо?
Дил шуд зи Камол ғоибу ақл,
Гар нест ба ту, куҷост инҳо?