Сиёмак

Аз он Шаҳзода фарзанде баҷо буд, Ки покизаниҳоду порсо буд. Зи бас Шаҳзода буд боҳушу фарҳанг, Шаҳаншаҳ карда будаш ном Ҳушанг. Шаҳаншаҳ лашкаре аз нав ба ӯ дод, Пайи кини писар ӯро фиристод. Ки ӯ бидҳад мукофоти бадиро, Барандозад раҳу расми бадиро. Шаҳаншаҳзода он лашкар ба ёр аст, Ба хубӣ з-Аҳриман кини падар хост. Аз ӯ деву дадон нобуд гаштанд, Ҳама Эрониён хушнуд гаштанд. Аз он шодӣ Ниёро чеҳра бишкуфт, Ба шаҳзода дуруду офарин гуфт. Пас аз сӣ сол доду додхоҳӣ, Бад-ӯ биспурд шаҳ Авранги шоҳӣ. Каюмарз аз ҷаҳон чун бор барбаст, Ба гоҳи Хусрави Ҳушанг биншаст. Басе гуфтаст он Шаҳ панду андарз, Кунун бишнав ту андарзи Каюмарз.