Бигӯ, ай ёри ҳамроз, ин чӣ шева-ст?!

Бигӯ, ай ёри ҳамроз, ин чӣ шева-ст?! Дигаргун гаштайӣ боз, ин чӣ шева-ст? Аҷаб, ай турки хушранг, ин чӣ ранг аст?! Аҷаб, ай чашми ғаммоз, ин чӣ шева-ст?! Дигар бор ин чи дом асту чӣ дона-ст?! Ки моро куштӣ аз ноз, ин чӣ шева-ст?! Даридӣ пардаи мо, ин чӣ парда-ст?! Яке парда барандоз, ин чӣ шева-ст?! Манам он куҳнаишқе, ки дигар бор Гирифтам ишқ аз оғоз, ин чӣ шева-ст?! Мусалмонон, шумо ин шӯр бинед, Ки мислаш нест ҳанбоз, ин чӣ шева-ст?! Шаробу ишқу рангам ҳар се ғаммоз, Яке пинҳон се ғаммоз, ин чӣ шева-ст?!