Меҳргони нав
Бигушоем кафтаронро бол!
Бифурӯзем шуъла бар сари кӯҳ!
Бисароем шодмона суруд!
В-инчунин бо ҳазор гуна шукӯҳ
Меҳргонро ба пешбоз равем!
Рақси хуши печутоби парчамҳо
Зери парвози кафтарони сапед,
Шодии орамида гоми сипеҳр,
Хандаи навшукуфтаи хуршед,
Меҳргонро дуруд мегӯянд:
Гармиҳар кор, масти ҳар пиндор,
Ҳамраҳи ҳар паём, ҳар савганд,
Дар дили ҳар нигоҳ, ҳар овоз,
Туйи ҳар бӯса, рӯйи ҳар лабханд,
Бисароем:
Меҳргон хуш бод.