Мушкил, ки равад доғат ҳаргиз зи дили чокам
Мушкил, ки равад доғат ҳаргиз зи дили чокам,
То лола магар рӯзе сар барзанад аз хокам.
Ҳар рӯз ба хунрезам оӣ рақиб аз пай,
З-он воқеа хушҳолам, з-ин восита ғамнокам.
Эй турки шикорафкан, шамшер макаш ба ман,
Ё он ки пас аз куштан барбанд ба фитрокам.
Ин дида, ки ман дорам, олуда ба хун авло,
З-он рӯ, ки намедонӣ қадри назари покам.
То чанд Ҳилолиро дар оташи ғам сӯзӣ?
Ман одамиям, ё Раб, ё худ хасу хошокам?