З-он меравам зи куяш маст аз шаробхона
З-он меравам зи куяш маст аз шаробхона,
То вақти бехудиҳо мастӣ бувад баҳона.
Дар хоб шуд чу гуфтам бо ӯ фасонаи ғам,
З-он рӯ, ки ҳаст ӯро ғамҳои ман фасона.
Берун мабар зи куяш, эй зоғ устухонам,
Шояд хаданги ӯро рӯзе шавад нишона.
Мебуд мардумонро аз заҳри чашм роҳат,
Гар чашми ӯ намешуд, сарфитнаи замона,
Лутфат ба дигарон аст, қаҳри ту бо Биноӣ,
Инро, ки бо ту гуфтам, худ гӯӣ, ҳаст ё на?