Эй Карбало, ба хоки ту ҷонҳо фидо шавад
Эй Карбало, ба хоки ту ҷонҳо фидо шавад,
Аз хуни пок лола ба саҳро раво шавад.
Он шоҳи ташнаком, ки дар мавҷи хуни худ
Бо лаби хушк ёди Худо ошно шавад.
Шамшери зулм бар сари ӯ барқсон гузашт,
Лек аз лабаш таронаи «Ҳақ» садо шавад.
Тифли ятим дар дили саҳро ба гиря монд,
К-аз доғи ӯ дили фалак андар наво шавад.
Эй дида, ашк рез, ки имрӯз дар ҷаҳон
Аз мотами Ҳусайн замин пур азо шавад.