Умре ба бӯи ёре кардем интизоре
Умре ба бӯи ёре кардем интизоре,
З-он интизор моро накшуд ҳеч коре.
Аз давлати висолаш ҳосил нашуд муроде,
В-аз меҳнати фироқаш бар дил намонд боре.
Ҳар дам ғами фироқаш бар дил ниҳод боре,
Ҳар лаҳза дасти ҳаҷраш дар дил шикаст хоре.
Эй зулфи ту каманде, абрӯи ту камоне,
В-эй қомати ту сарве, в-эй рӯи ту баҳоре.
Донам, ки фориғӣ ту аз ҳолу дарди Саъдӣ,
К-ӯро дар интизорат хун шуд ду дида боре.
Дарёб ошиқонро, к-афзун кунад сафоро,
Бишнав ту ин суханро, к-ин аст ёдгоре.