БАР САНГИ ЧАШМИ Ӯ

Бар сари гӯре, ки рӯзе буд оташгоҳи ишқи ман В-аз лаҳиби орзуе равшану хуштоб, Шуъла меафрошт В-инак аз хокистаре пӯшида, К-аз вай ҷуз хомӯшӣ чашм натвон дошт. Мечакад ашки нигоҳам талх, Мечакад ашки нигоҳам низ дар он ҷоми заҳрогин, К-аз шаранги бӯса лабрез аст В-аз фусуне тоза мехонад маро ҳар дам, ки Боз о, ин чӣ парҳез аст? В-аз ниҳеби гӯри сарди чашми ӯ, К-андар он ҳар гуна уммеде фурӯ мурдаст, Пой вопас мениҳам, Бениёзи бӯсае пуршӯр, К-аз фиребе тоза мерақсад дар он лабханд, Бе ниёз аз хандае дилбанд. К-аз фусуне тоза меҷӯшад дар он овоз, Мечакад ашки нигоҳам боз, Бар сари гӯре, ки рӯзе буд оташгоҳи ишқи ман В-инак аз хокистари андуҳ пӯшидаст. Дар миёни ин хамӯшободи беҳосил, Дар сукути чираи ин шоми бефарҷом. Мечакад ашки нигоҳам бар мазори дил, Месарояд қиссаи дарди маро бо санг. Чашми ӯ Бо ғаме, к-андар дилам зад чанг В-аз палоси ҳастиам бигсехт тору пуд, Меравам, мегӯямаш бидрӯд. В-аз нигоҳи хаставу пажмурда чун маҳтоби поизи малолангез, Мегузорам бар мазори орзуҳоям гуле вайрон, Ёдгори он умеди гумшуда, он ишқи ёдовез.