Дастони пир ҷуз ба асое намерасад,
Дастони пир ҷуз ба асое намерасад,
Фарёди ӯ ба гӯши худое намерасад.
Об аз сараш гузаштаву тоб аз дилаш чунон,
К-охир ба ғайри гӯр ба ҷое намерасад.
Дар кӯзапушти ӯ ҳама зардоби солҳост,
З-он солҳо валек атое намерасад.
Бо қомати дуто ба ҳама саҷда мекунад,
Таъзими ӯ ба ёди дупое намерасад.
Аз сад нишони пурҷило дар сақфи синаҳо
Бар синаи фигор шифое намерасад.