Зи қанди ёр то шохе нахоям

Зи қанди ёр то шохе нахоям, Намози шом рӯза кай кушоям?! Намедонам, куҷо мерӯяд он қанд, К-аз ӯ хӯрдам, намедонам куҷоям?! Аҷойиб он, ки нақлаш ақли ман бурд, Чу ақлам нест, чунаш меситоям?! Кӣ дорад рӯза ҳамчун рӯзаи ман, К-аз ӯ ҳар лаҳза идӣ мерабоям?! Зи субҳи рӯйи ӯ дорам сабӯҳӣ, Намози шомро ҳаргиз напоям! Чу гул дар боғи ҳуснаш хуш бихандам, Чу субҳ аз офтобаш хуш бароям! Забонам аз шароби ӯ шикастаст, Зи дастонаш шикаста дасту поям!