Ашкҳо

Яке занро мезанад бо даст, Дигар бошад бо суханҳои паст. Оне, ки дар интернет бе виҷдон, Тир андозад ба зан, барад аз ӯ ҷон. Духтаре пур аз орзую ҳавас, Расида ба чаҳордаҳ, нозук наврас, Аммо навист ба ӯ як писар: «Ту зиштӣ, бешармӣ, беҳаё духтар!» Сузонд он писар, гардид хазонаш баҳор, Мактабравӣ ба духтар гашт даҳшатбор. Чӣ кор кунад ӯ дар ин ҳолат, маслиҳат деҳ, Худро бидор, эй дӯст аз суханҳои қабеҳ. Касе наққошӣ мекунад, гузошт ба интернет, Ҳама нависанд: «Бемаҳоратиро бинед!» Духтари раққоса аксашро ҷой кард, Бо комменти қабеҳ писар ӯро поймол кард. Чӣ кор кунад ӯ дар ин ҳолат, маслиҳат деҳ, Худро бидор, эй дӯст аз суханҳои қабеҳ. Мисоли дигар як зани талоқдида, Ё шавҳари азизаш аз дунё рафта, Бипушонанд ба у пироҳани ғайбат, Бишнавад аз мардум дашном, маломат. Субҳ хеста бо дили ашкбор, Меҳнат кунад бо ҷасорат фидокор. Чӣ кор кунад у дар ин ҳолат, маслиҳат деҳ, Худро бидор, эй дӯст аз суханҳои қабеҳ. Шояд яке аз инҳо хоҳари туст, Бикаш даст аз кибербуллинг, эй дӯст! 20.11.2025